Vieranika Capkała raskazała, čamu siamja pierajechała ŭ Hrecyju
U novym vypusku tok-šou «Žyćcio-malina» Vieranika Capkała raskazała pra svaju pracu i ŭzrovień žyćcia.
15.06.2024 / 17:18
U Biełarusi Vieranika Capkała (sprava) pracavała mieniedžaram pa raźvićci adździaleńnia Microsoft.
Jak zhadvaje Vieranika Capkała, na momant, kali jaje siamja źjechała ź Biełarusi, u ich nie było hrošaj. Niekatory čas jaje muž — Valeryj Capkała — nie moh zarablać hrošaj, bo zajmaŭsia «kansultatyŭnaj dziejnaściu». I ŭ toj čas jana padtrymlivała siamju.
Pierajezd u Hrecyju byŭ abumoŭleny tym, što ŭ hetaj krainie Vieranika znajšła rabotu:
«Mienavita ŭ Hrecyi ja znajšła rabotu. I heta adzinaja pryčyna, čamu my tudy pierajechali. Pa ŭmovach ja pavinna była tam znachodzicca fizična», —
havoryć Vieranika Capkała i zhadvaje, što razmovy ab «niejkaj załatoj vizie i [tym], što my tam usio kupili» nie adpaviadajuć rečaisnaści.
U Hrecyi Vieranika praciahvaje pracavać i ŭ kampanii, jakaja «źjaŭlajecca numaram adzin pa stvareńni štučnaha intelektu». Pa słovach, hetaja praca joj vielmi padabajecca.
Kali havaryć pra ŭzrovień dachodaŭ, to Vieranika Capkała zaŭvažyła, što jaje siamja nie zmahła adnavić uzrovień žyćcia, jaki byŭ u Minsku: «Heta navat nieparaŭnalna».
Vieranika Capkała: Niezaležnyja ŚMI mohuć atrymać štraf u 30 tysiač jeŭra za krytyku Cichanoŭskaj
Kvateru Capkałaŭ kupili za amal 400 tysiač rubloŭ