U Homieli vynieśli prysud maci za zabojstva dvuchhadovaj dački
U Homieli sudzili 20-hadovuju žančynu za zabojstva dvuchhadovaj dački. Žančyna patłumačyła heta pomstaj svajakam muža.
19.06.2024 / 07:57
Fota: Hienprakuratura
Padčas sudovaha pasiedžańnia ŭstanoŭlena, što abvinavačanaja viečaram 13 śniežnia 2023 hoda naniesła svajoj dvuchhadovaj dačce dva ŭdary rukami pa hałavie i tvary. Zatym, niahledziačy na sproby dziaŭčynki vyrvacca, maci zadušyła jaje paduškaj.
Napiaredadni žančyna napisała ŭ svaim telefonie pieradśmiarotnuju zapisku, u jakoj paviedamlała ab namiery pazbavić žyćcia siabie i svaju dačku.
Na sudzie žančyna patłumačyła złačynstva praduziatym staŭleńniem muža i śviakruchi nakont vychavańnia dziciaci, čyścini i paradku ŭ kvatery.
Žančynie pryznačana pakarańnie ŭ vyhladzie pazbaŭleńnia voli na termin 19 hadoŭ z adbyvańniem u papraŭčaj kałonii va ŭmovach ahulnaha režymu.
Pryhavor moža być abskardžany i apratestavany ŭ apielacyjnym paradku.
U Hiermanii paśla tydnia pošukaŭ znajšli zabitaj 9-hadovuju ŭkrainku
«Chłopcaŭ zatrymali za dziciačyja pietardy». Navukoviec prakamientavaŭ aryšt junakoŭ za vybuchoŭku
U Minsku čałaviek sprabavaŭ zdać u łambard carkoŭnyja kaštoŭnaści