U Hiermanii paśla tydnia pošukaŭ znajšli zabitaj 9-hadovuju ŭkrainku
9-hadovaja Valeryja žyła z maci ŭ centry Dziobielna ŭ Saksonii. Heta nievialiki horad z 25 000 žycharoŭ. Dziaŭčynka vyjšła z domu ranicaj 3 červienia. Joj treba było prajści tolki 450 mietraŭ da aŭtavakzała, adkul adpraŭlajecca školny aŭtobus. Jana vydatna viedała hety šlach i nie mahła zabłudzicca. U škole jana tak i nie zjaviłasia.
Nastaŭniki nie zabili tryvohu, kali dziaŭčynka nie pryjšła ŭ kłas. Maci zaŭvažyła źniknieńnie dački i patelefanavała ŭ palicyju tolki kala 18:30.
Tata dziaŭčynki vajuje va Ukrainie. Baćki raźviedzienyja. «Ja źviartajusia da tych, chto maje dačynieńnie da jaje źniknieńnia. Znajdzicie ŭ sabie mužnaść viarnuć našaje lubimaje dzicia nam, baćkam. Ja vielmi spadziajusia, što chutka zmahu patrymać svaju dačku na rukach», — zapisaŭ jon videa, źviartajučysia da mierkavanych złačyncaŭ.
Dziaŭčynku vosiem dzion šukali sotni palicejskich i dziasiatki vałancioraŭ. Jaje cieła było znojdziena ŭ aŭtorak dniom 11 červienia ŭ lesie prykładna ŭ čatyroch kiłamietrach ad doma.
Spačatku nie było ŭpeŭnienaści, što heta Valeryja. Ale 12 červienia palicyja vystupiła z zajavaju, što dziaŭčynka zabitaja.
«Heta sumnaja ŭpeŭnienaść. Valeryja stała achviaraj złačynstva. My rasśledujem zabojstva», — skazała ŭ sieradu načalnik palicyi Karsten Kempf.
Pa słovach načalnika palicyi, miortvaje dzicia było vyjaŭlena ŭ aŭtorak udalečyni ad lasnych ściežak, u padlesku nieprachodnaj miascovaści.
«Našy rasśledavańni ŭ ciapierašni čas zasiarodžany na sacyjalnym kole siamji», — skazała Inhryd Burhchart, pres-sakratarka prakuratury. Padazravanych i zatrymanych pakul niama.
Pavodle śledstva i ŭskryćcia, niama dokazaŭ tamu, što dziaŭčynka stała achviaraj seksualnaha złačynstva, dadała Burhchart.
Ściana ŭ hałavie. Čamu ŭschodnija niemcy hałasujuć inakš?
U Połacku raskryli zabojstva, ździejśnienaje ŭ 2001 hodzie. Dapamoh niedakurak
U Minsku aŭtamabil na chutkaści źbiŭ 15-hadovaha padletka, jaki pierabiahaŭ darohu na čyrvonaje
«Chłopcaŭ zatrymali za dziciačyja pietardy». Navukoviec prakamientavaŭ aryšt junakoŭ za vybuchoŭku
Bondarava abrynułasia na muziej Janki Kupały i mastaka Sušu14
Kamientary