Stała viadoma, jak budzie vyhladać adzinaja školnaja forma ad «Biellehprama» FOTY
U novym navučalnym hodzie ŭ Minsku buduć testavać uzory adzinaj školnaj formy, jakuju ŭ budučyni, mahčyma, nadzienuć usie staličnyja školniki. Fota ŭsioj kapsulnaj kalekcyi źjavilisia na sajcie Kamiteta pa adukacyi Minharvykankama.
19.06.2024 / 16:29
Paviedamlajecca, što piłotnaha prajekta dałučylisia 20 ustanoŭ adukacyi.
«Raspracavanaja novaja liniejka, jakaja farmiruje adziny vobraz staličnaha školnika. Kancern «Biellehpram» pradstaviŭ varyjanty kalekcyj, jakija prapanoŭvali baćkam dla papiaredniaj zamovy. Na etapie ŭzhadnieńnia eskizaŭ pravodzili hramadskaje abmierkavańnie, u jaho byli ŭciahnutyja dzieci, baćki, piedahohi. Jany vykazvali svajo mierkavańnie, unosili prapanovy, u tym liku kali bačyli nieabchodnaść dadać niejkija elemienty», — raskazała BiełTA pieršaja namieśnica staršyni kamiteta adukacyi Minharvykankama Ludmiła Barysienka.
U asnoŭnuju kalekcyju ŭvachodziać tolki tekstylnaje i trykatažnaje adzieńnie: spadnicy, štany, sarafany, bombiery, pinžaki, kamizelki — usio ŭ adzinaj ciomna-siniaj kalarovaj hamie i styli. Dadatkovyja elemienty — kašuli, holfy, abutak — treba budzie padabrać samastojna.
U Minsku prezientavali adzinuju formu dla staličnych školnikaŭ. Nu i jak vam?
Na pradpryjemstvach «Biellehprama» šyć paścielnuju bializnu buduć robaty