Na Mahiloŭščynie pad kołami mašyny zahinuła ravarystka
Kiroŭca aŭtamabila Audi źbiŭ na trasie Mahiloŭ-Babrujsk u Kiraŭskim rajonie žančynu, jakaja jechała na rovary. Jana zahinuła na miescy, paviedamlaje UUS Mahiloŭskaha abłvykankama.
22.06.2024 / 22:45
«Na 89-m kiłamietry aŭtadarohi R-93 «Mahiloŭ-Babrujsk» 34-hadovy kiroŭca aŭtamabila Audi, ruchajučysia ŭ napramku Mahilova, ździejśniŭ najezd na 44-hadovuju žančynu», — paviedamlaje milicyja.
Ravarystka jechała ŭ tam ža kirunku, što i aŭtamabil, pa krai prajeznaj častki. Trahiedyja adbyłasia kala 6-j hadziny ranicy 22 červienia.
Adzin kiroŭca ŭbačyŭ chłopca na samakacie, a druhi — nie. Što było dalej
Traich dziaciej, što trapili ŭ DTZ pad Dokšycami, pieravieźli ŭ Minsk, jašče traich — u Viciebsk
Piaciora pasažyraŭ mikraaŭtobusa z DTZ pad Dokšycami — u reanimacyi