Traich dziaciej, što trapili ŭ DTZ pad Dokšycami, pieravieźli ŭ Minsk, jašče traich — u Viciebsk
Minzdaroŭja ŭ svaim telehram-kanale raskazała pra situacyju z paciarpiełymi dziećmi-spartoŭcami ŭ DTZ u Dokšyckim rajonie.
Nahadajem. što ŭčora kala 19:30 pad Dokšycami aŭtamabil Volkswagen Passat, vyjazdžajučy z druhasnaj darohi, urezaŭsia ŭ mikraaŭtobus ź dziećmi. Kiroŭca i pasažyrka lehkavika zahinuli na miescy.
Ahułam u DTZ paciarpieli 11 čałaviek (ź ich 8 dziaciej). Usie byli pieršapačatkova dastaŭlenyja ŭ Dokšyckuju centralnuju rajonnuju balnicu. Krychu paźniej, paśla ahladu adnaho ź dziaciej pieraviali ŭ Hłybockuju CRB.
Uviečary piać paciarpiełych (adzin darosły i čaćviora dziaciej) špitalizavali ŭ adździaleńnie reanimacyi ŭ ciažkim stanie. Astatnija pacyjenty — siaredniaj stupieni ciažkaści špitalizavanyja ŭ chirurhičnaje adździaleńnie balnicy.
Na dapamohu kaleham — dla praviadzieńnia kansiliumaŭ i akazańnia nieabchodnaj mieddapamohi nočču ŭ Dokšyckuju CRB prybyli śpiecyjalisty respublikanskaha ŭzroŭniu: piać niejrachirurhaŭ z RNPC nieŭrałohii i niejrachirurhii, śpinalny chirurh i traŭmatołah z RNPC traŭmatałohii i artapiedyi, aniestezijołah-reanimatołah i dziciačy chirurh z BDMU i aniestezijołah-reanimatołah z RNPC dziciačaj chirurhii.
Paśla praviadzieńnia nieabchodnych kansiliumaŭ, umiašańniaŭ i stabilizacyi stanu paciarpiełych, ciažkija pacyjenty byli pieraviedzieny dla akazańnia vysokatechnałahičnaj dapamohi — u BCHMD Minska (dvoje), u RNPC nieŭrałohii i niejrachirurhii (adzin pacyjent), adno dzicia ŭ Viciebskuju abłasnuju kliničnuju balnicu, dvaich — u Viciebskuju abłasnuju dziciačuju balnicu. Jašče adzin pacyjent na siońniašni dzień znachodzicca ŭ chirurhičnym adździaleńni Dokšyckaj CRB.
Astatnija paciarpiełyja pieraviedzieny na ambułatornaje lačeńnie.
Stan troch paciarpiełych, pieraviedzienych u stalicu — stabilna ciažki, u troch, jakija byli špitalizavany va ŭstanovy achovy zdaroŭja Viciebska — siaredniaj stupieni ciažkaści.
Va ŭsich dyjahnastavany spałučanyja traŭmy: čerapna-mazhavyja traŭmy, pierałomy, irvanyja rany i ŭdary.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary