Ва Уздзенскім раёне пачалася рэстаўрацыя ўнікальнага абʼекта — колішняга кальвінскага збору
У Кухцічах (цяпер пасёлак Первамайск Уздзенскага раёна) пачалі рэстаўраваць колішні кальвінскі збор, піша канал «Спадчына».
23.06.2024 / 15:19
У Кухцічах (цяпер пасёлак Первамайск Уздзенскага раёна) пачалі рэстаўраваць колішні кальвінскі збор/ Фота: spadczyna / Telegram
Збор пабудаваны ў 1560—1570-я гады па фундацыі тагачаснага ўладальніка маёнтка Мацея Кавячынскага, паплечніка Сымона Буднага.
Храм невялікі, але адрозніваецца незвычайнай формай, калі кальвінскі збор у Смаргоні васьмігранны ў плане, то збор у Кухцічах ажно дванаццацігранны.
У XVIII ст. храм быў рэканструяваны, як сцвярджаецца, архітэктарам Карлам Спампані і набыў барочныя і класіцыстычныя рысы. Гэтак была дабудавана алтарная частка, дзве вежкі абапал уваходнай часткі і званіца. Храм служыў пахавальняй для ўладальнікаў маёнтка.
Пасля 1939 года на базе маёнтка зʼявіўся саўгас «Кухцічы», а збор стаў эксплуатавацца як гаспадарчая будова.
У апошнія гады комплекс і храм, які сёння размешчаны на тэрыторыі Уздзенскага дзяржаўнага каледжа, стаялі закінутыя і іх беспаспяхова спрабавалі прадаць.
Храм на аўкцыёне выкупіла Евангелічная царква, якая плануе зноў зрабіць яго дзейным.
Стала вядома, на якім этапе цяпер рэстаўрацыя палаца Горватаў у Нароўлі
Галацкую вежу адкрылі ў Стамбуле пасля рэстаўрацыі
Рэстаўратарскі цуд адбыўся ў Стоўбцах ФОТА