Стала вядома, на якім этапе цяпер рэстаўрацыя палаца Горватаў у Нароўлі
Калі вы думалі, што рэстаўрацыя палаца спынілася, то памыляліся. Пра тое, як ідуць справы, на сваёй старонцы ў фэйсбуку напісаў уладальнік аб'екта Пётр Кузняцоў.
Пятро Кузняцоў расказаў, што цяпер з аб'екта вывозіцца будаўнічае смецце (а яго там вельмі шмат), ідзе працэс замаўлення металу для даху, чакаецца падвоз піламатэрыялаў для перакрыццяў і даху.
Акрамя таго, ужо амаль дэмантавалі калоны, якія прыбудавалі да палаца ў савецкія часы.
Ужо зроблена шмат такой падрыхтоўчай працы, якую не заўважыш вокам, але без яе не атрымалася б рухацца далей, тлумачыць Кузняцоў. Таму працэсы ідуць і працягнуць ісці.
Пры жаданні, як уладальнік сцвярджае, яму з таварышамі можна і дапамагчы.
Па-першае, можна распаўсюджваць інфармацыю пра сам палац, пра тое, што адбываецца на аб'екце, і пра тое, якая дапамога патрабуецца.
Па-другое, улетку можна дапамагчы рукамі проста на месцы. Крыху пазней з'явіцца больш канкрэтнай інфармацыі пра валанцёрскі кірунак. Любы падсобны рабочы — гэта выдаткі грошай, якія можна накіраваць на палац. Чым больш валанцёраў — тым больш грошай застанецца на палац. Зрэшты, грашыма энтузіястам-рэстаўратарам можна дапамагчы таксама.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары