Ukraina atakavała ŭ Krymie centr rasijskaj kaśmičnaj suviazi
Cellu Uzbrojenych sił Ukrainy padčas viačerniaj ataki Kryma 23 červienia byŭ Centr dalokaj kaśmičnaj suviazi (CDKS) Rasii, paviedamiŭ telehram-kanał «Krymski viecier», jaki źbiraje infarmacyju pra rasijskich vajskoŭcaŭ na anieksavanym paŭvostravie.
24.06.2024 / 18:29
Hety abjekt znachodzicca ŭ vioscy Vicina, niedaloka ad Jeŭpatoryi. Aficyjnaja nazva centra — 40-y asobny kamandna-vymiaralny kompleks (NIP-16).
Manitorynhavaja hrupa atrymała spadarožnikavyja zdymki, jakija paćviardžajuć pažary na abjekcie paśla prylotaŭ. Usiaho było dva ačahi ŭzharańnia.
U niadzielu dniom na terytoryi centra ŭ Vicinie stajała 29 adzinak aŭtatechniki: 16 — pobač z aficerskim internatam, i 13 — na parkoŭcy.
Taksama tam byŭ razhornuty jak minimum adzin kompleks REB «Krasucha», pryznačany dla prykryćcia kamandnych punktaŭ i inšych važnych abjektaŭ, adznačaje kanał.
Bolš za 140 čałaviek paranienyja na plažy ŭ Krymie, kudy prylacieli askiepki źbitaj rakiety
U Sievastopali ŭviedzieny režym nadzvyčajnaj situacyi
U Smalenskaj vobłaści drony atakavali vajskovy abjekt
Źjavilisia zdymki nastupstvaŭ udaru ŭkrainskich dronaŭ pa rasijskaj naftabazie ŭ Adyhiei