Źjavilisia zdymki nastupstvaŭ udaru ŭkrainskich dronaŭ pa rasijskaj naftabazie ŭ Adyhiei
Ruskaja słužba «Radyjo Svaboda» apublikavała spadarožnikavyja zdymki, jakija pakazvajuć nastupstvy niadaŭniaha ŭdaru ŭkrainskich bieśpiłotnikaŭ pa naftabazie ŭ pasiołku haradskoha typu Eniem u Adyhiei.
Skrynšot ź videa
Na fotazdymkach vidać, što razburany prynamsi adzin budynak i paškodžany anhar pobač ź im. Sami baki z palivam, jak vyhladaje, nie paciarpieli.
Jak viadoma, u noč na 20 červienia padraździaleńni Uzbrojenych sił Ukrainy i Słužby biaśpieki Ukrainy atakavali skład haruča-zmazačnych materyjałaŭ u Tamboŭskaj vobłaści, a taksama naftabazu «Eniemskaja», jakaja znachodzicca ŭ Respublicy Adyhieja.
U rajonie naftabazy «Eniemskaja» było zafiksavana prynamsi piać vybuchaŭ, paśla čaho pačaŭsia pažar.
Kamientary