U Biełarusi niedastatkova moładzi i zusim mała dziaciej. U čym pryčyny?
Pavodle danych Instytuta ekanomiki NAN Biełarusi, u krainie ciapier žyvie krychu bolš za 9 miljonaŭ čałaviek. Ale, jak havoryć «Minsk-Navinam» kiraŭnica Centra čałaviečaha raźvićcia i demahrafii Nastaśsia Babrova, heta nie adpaviadaje toj kolkaści nasielnictva, jakaja b mahła być pry siońniašnim uzroŭni achovy zdaroŭja i sacyjalnaj padtrymcy, jakuju jana ličyć vysokaj.
24.06.2024 / 21:40
Fota ilustracyjnaje
U Biełarusi zachoŭvajecca vysoki ŭzrovień śmiarotnaści. Pamiraje bolš ludziej, čym naradžajecca. Adnoj z vostrych prablem zastajecca śmiarotnaść mužčyn pracazdolnaha ŭzrostu. Jany pamirajuć praź niaščasnyja vypadki, DTZ, škodnyja zvyčki, jakija pryvodziać da zachvorvańniaŭ orhanaŭ dychańnia i stravavańnia.
Upłyvaje na situacyju i mihracyja. Vyjazdžajuć z krainy, jak praviła, maładyja ludzi. I ŭžo va ŭzroście ad 24 hadoŭ žančyn stanovicca bolš, čym mužčyn. Čamu maładyja ludzi z sučasnaj Biełarusi tak masava vyjazdžajuć, nie tłumačycca.
Druhi «pravał» u połaŭzrostavaj piramidzie nasielnictva prypadaje na ŭzrost 55-59 hadoŭ. Adnyja ŭ hetym uzroście znoŭ ža abo pamirajuć, abo źjazdžajuć z krainy, vykanaŭšy svaje baćkoŭskija zadačy i sfarmavaŭšy kapitał.
Adnačasova skaračajecca i naradžalnaść, čamu śpiecyjalistka akreślivaje i pryčyny. Maŭlaŭ:
«Kali ŭ siamji da dvuch dziaciej, zavyšanyja patrabavańni baćkoŭ da samich siabie i da dziciaci. Jany imknucca zabiaśpiečyć dziaciej lepiej. Tak, u nas vialikaja padtrymka šmatdzietnych. Adnak da źjaŭleńnia treciaha dziciaci treba naradzić pieršaje i druhoje. A mienavita pieršyja źjaŭlajucca ź ciažkaściu. Paśla ich z-za prablem sa zdaroŭjem baćkoŭ daloka nie zaŭsiody naradžajucca druhija».
Prytym repradukcyjnaje zdaroŭje padvodzić nie tolki žančyn, ale časta i mužčyn. U vyniku ž situacyja ciapier takaja:
«U dyjapazonie 24-60 hadoŭ u nas dastatkova i mužčyn, i žančyn. Ale na źmienu tym, chto stareje, prychodzić mienš maładych. Praz 5 hadoŭ hety praces stanie jašče bolš prykmietnym, a praz 10 moža stvaryć surjoznuju prablemu dla ekanomiki», — padkreślivaje Nastaśsia Babrova.
Udvaja pavysiać pamier dapamohi na dziaciej studentam, jakija stali baćkami
Nasielnictva Minska znoŭ skaraciłasia — da 2 miljonaŭ usio dalej
Źnižeńnie naradžalnaści va ŭsim śviecie moža adbycca chutčej, čym čakałasia
«Kraina hublaje ludziej z vysokimi dachodami». Što adbyvajecca ŭ biełaruskaj ajcišcy
U 2023 hodzie biełaruski naradzili ŭ Polščy 775 dziaciej