Pa danosie čat-ruletčyka zatrymali minčuka. Za toje, što padtrymlivaje Ukrainu i nie pojdzie suprać jaje vajavać
Raman Lichadzijeŭski pahutaryŭ z pravakataram Juryjem Komaram, jaki vydaje siabie za ŭkrainca ŭ čat-ruletcy.
27.06.2024 / 15:12
Raman Lichadzijeŭski. Fota ź jahonaj staronki «Ukantakcie»
Ramanu Lichadzijeŭskamu 41 hod. Jon minčuk, pracavaŭ kiroŭcam u kampanii «Karłajn».
U adzin ź viečaroŭ jon zajšoŭ u čat-ruletku. Tam jamu nie paščaściła sutyknucca z pravakataram Juryjem Komaram.
U videa z čat-ruletki mužčyna kazaŭ, što padtrymlivaje Ukrainu ŭ vajnie, nie padtrymlivaje Łukašenku, a kali biełarusaŭ buduć pasyłać na vajnu z Ukrainaj, to jon budzie siabie kalečyć, kab nie iści. Za heta Ramana zatrymali.
Juryj Komar vydaje siabie za ŭkrainca i pravakuje ludziej na rezkija vykazvańni. Pa jaho danosach zatrymali dziasiatki ludziej, niekatorych ź ich mocna źbivali pry zatrymańni.