«Prahnazuje paražeńnie Rasii ŭ vajnie i što paśla hetaha ŭ Biełarusi moža pačacca revalucyja». Pa danosach łukašysta, jaki pravakuje ludziej u čat-ruletcy, zatrymali jašče čaćviarych
U Biełarusi praciahvajuć zatrymlivać ludziej, jakija paŭdzielničali ŭ čat-ruletcy z mazyrskim pravakataram.
Pra novyja zatrymańni pa navodcy 41-hadovaha Juryja Komara paviedamlaje «Viasna».
Tak mahiloviec, student Vital Pałavinski, u čat-ruletcy skazaŭ, što Rasija prajhraje vajnu, a paśla hetaha ŭ Biełarusi pačniecca revalucyja — i jaho zatrymaŭ HUBAZiK.
Pałavinskaha spravakavaŭ Komar — mužčyna sam skazaŭ Pałavinskamu «Žyvie Biełaruś» i atrymaŭ u adkaz «Žyvie Viečna».
U milicejskim videa Vital skazaŭ, što zatrymany za toje, što pramaŭlaŭ «destruktyŭnyja łozunhi ŭ padtrymku Ukrainy», a taksama za toje, što na videa prahnazuje paražeńnie Rasii ŭ vajnie i što paśla hetaha ŭ Biełarusi moža pačacca revalucyja.
Taksama HUBAZiK zatrymaŭ 18-hadovaha studenta Instytuta biznesu BDU Daniłu Homana — u čat-ruletcy jon skazaŭ, što jaho pradzied spalvaŭ Chatyń.
Byli zatrymanyja Vadzim Šafranski i Vital Łobač.
Abodva mužčyny ŭ čat-ruletcy parazmaŭlali ź Juryjem Komaram, jon u hetym vypadku pradstaviŭsia ŭkraincam. Zatrymanyja mužčyny vykazali padtrymku Ukrainie i ŭkraincam, a taksama prahnazavali na parazu Rasii ŭ vajnie.
Hety łukašenkaviec pravakuje ludziej u čat-ruletcy, a paśla ich zatrymlivajuć i źbivajuć. Raskazvajem, chto jon
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy1
Kamientary