Rasija atakavała avijabombami Ńju-Jork na Danieččynie
Rasijskija vojski 28 červienia skinuli niekalki kiravanych avijabombaŭ na pasiołak Ńju-Jork u Danieckaj vobłaści, u vyniku čaho zahinuli čatyry mirnyja žychary. Pra heta paviedamiŭ Ofis Hienieralnaha prakurora Ukrainy.
28.06.2024 / 20:31
Fota z sacyjalnych sietak
«Adzin sa snaradaŭ trapiŭ pa šmatkvaternaj zabudovie — u vyniku razbureńnia padjezda 5-paviarchovaha doma zahinuli čaćviora cyvilnych. Atrymali cialesnyja paškodžańni 39-hadovaja žančyna i jaje 8-hadovaja dačka. Ź minna-vybuchovymi traŭmami, udarami i kantuzijami jany dastaŭlenyja ŭ miedyčnuju ŭstanovu. Stan dziciaci aceńvajecca jak ciažki. Taksama paranieny mužčyna ŭ pryvatnym siektary», — havorycca ŭ paviedamleńni viedamstva.
Taksama paškodžanyja pryvatnyja chatnija haspadarki i šmatkvaternyja damy. Kančatkovaja kolkaść paciarpiełych vyśviatlajecca.
Rasijskaja rakieta trapiła ŭ šmatpaviarchovik u Dniapry
Rasijskija elity vierać u pośpiech paŭtornaha ŭvarvańnia va Ukrainu praź Biełaruś
Rasijanie ŭdaryli rakietami pa Pakroŭsku na Danieččynie, jak minimum čaćviora zahinułych