U Biełharadzie pieraboi z elektryčnaściu i vadoju praz «vonkavaje ŭździejańnie na enierhaabjekt»
Častka damoŭ Biełharada i Biełharodskaj vobłaści zastalisia biez elektryčnaści. Ułady śćviardžajuć, što pieraboi adbylisia «ŭ suviazi z technałahičnym parušeńniem, vyklikanym vonkavym uździejańniem na enierhaabjekt».
01.07.2024 / 10:26
«U suviazi z technałahičnym parušeńniem, vyklikanym vonkavym uździejańniem na enierhaabjekt, u šerahu rajonaŭ Biełharodskaj vobłaści, a taksama Biełharadzie nazirajucca pierapynki padačy elektraenierhii. Enierhietyki ŭžo prystupili da pieravodu elektrazabieśpiačeńnia spažyŭcoŭ na reziervovyja schiemy, sacyjalna značnyja abjekty zabiaśpiečvajucca elektraenierhijaj ad pierasoŭnych reziervovych krynic», — havorycca ŭ paviedamleńni.
U Biełharadzie nie pracujuć śviatłafory i pieraboi ź internetam. Ab pahrozach miascovych žycharoŭ buduć apaviaščać mašyny z hučnahavarycielami.
Akramia prablem z elektryčnaściu, u niekalkich nasielenych punktach źnikła padača vady.
Koptar atakavaŭ žyły dom u Kurskaj vobłaści — zahinuli piać čałaviek
Rasija praciahvaje bambić Biełharad