USU rajać žycharam Biełharadskaj vobłaści vyviešvać žoŭta-błakitnyja ściahi ci pisać BNR, kab paźbiehnuć atak dronaŭ
Jak piša biełharodski kanał «Piepieł», u Hrajvaranskaj akruzie USU stali raskidvać z dronaŭ ulotki, u jakich prosiać žycharoŭ viešać na dachach damoŭ ukrainskija ściahi i nadpisy «BNR», kab ich nie atakavali drony.
![](http://nnexpictures.fra1.digitaloceanspaces.com/img/w732d4webp1/photos/z_2024_06/-l0so4.jpg.webp)
— U suviazi z praviadzieńniem SVA, z metaj stvareńnia sanitarnaj zony kožny budynak, u jakim mohuć znachodzicca rasiejskija vajskoŭcy, padlahaje nieadkładnamu źniščeńniu, — havorycca va ŭlotkach.
Taksama cyvilnych prosiać nie kantaktavać z vajskoŭcami, a taksama raźmiaščać na dachach sinie-žoŭtyja pałotny, jakija «buduć aznačać, što ŭ budynku vajskoŭcy adsutničajuć» abo «nadpis BNR, što aznačaje «bajcy nie raźmieščanyja». Nasamreč BNR — heta ŭkrainski miem, jaki naradziŭsia paśla pačatku poŭnamaštabnaj vajny i rasšyfroŭvajecca jak Biełharodskaja narodnaja Respublika pa anałohii z ŁNR i DNR.
Ulotki stali zjaŭlacca paśla taho, jak na dachu adnaho z damoŭ u vioscy Biazymiena, jakoje ŭvieś čas atakujuć drony, vyviesili žoŭta-błakitnaje pałatno.
![](http://nnexpictures.fra1.digitaloceanspaces.com/img/w732d4webp1/photos/z_2024_06/-kqwdz.png.webp)
Paźniej dačka ŭłaśnikaŭ doma zajaviła, što dach doma vypadkova nakryli dvuma kavałkami bryzienta žoŭtaha i siniaha koleraŭ.
Kamientary