Milicyjaniera i śledčaha sudziać za chałatnaść, jakaja pryviała da zabojstva 3-hadovaha dziciaci ŭ Słucku
U sudzie Minskaha rajona pačaŭsia sud nad słužbovymi asobami, čyje biaździejnaść i chałatnaść sadziejničali mahčymaści praciahłaha katavańnia małaletniaha Siamiona Taratuty, pieradaje BIEŁTA.
01.07.2024 / 12:30
Abvinavačanymi pa spravie prachodziać Alaksandr Dziadok — načalnik Inśpiekcyi pa spravach niepaŭnaletnich Słuckaha RAUS i Arciom Hałavinski — śledčy Słuckaha RASK, čyje biaździejańnie i chałatnaść, na dumku dziaržabvinavačańnia, spryjali mahčymaści praciahłaha katavańnia.
Raniej Minski abłasny sud vynies pryhavor pa kryminalnaj spravie ab zabojstvie baćkami sa Słucka trochhadovaha syna.
Alaksandr Taratuta, baćka trochhadovaha Siamiona Taratuty, byŭ prysudžany da rasstrełu, jaho žonka Anastasija — da 25 hadoŭ pazbaŭleńnia voli ŭ papraŭčaj kałonii va ŭmovach strohaha režymu.
Sudovaja kalehija pa kryminalnych spravach Viarchoŭnaha Suda, razhledzieŭšy ŭ apielacyjnym paradku kryminalnuju spravu, pakinuła rašeńnie suda pieršaj instancyi bieź źmianieńnia, a apielacyjnyja skarhi abvinavačanych i ich abaroncaŭ — biez zadavalnieńnia.
Rasstreł. U Słucku vyniesieny prysud baćkam, jakija zakatavali trochhadovaha syna
«1000 dzion piekła». Maci zabitaha trochhadovaha chłopčyka dała pakazańni ŭ sudzie