Kańje Uest daść kancert u Maskvie
Kancert repiera Kańje Uesta ŭ Maskvie zapłanavany na 6 vieraśnia. Artyst pryjazdžaŭ u stalicu dziela vybaru placoŭki. Adnak data jaho pajezdki była padabrana tak, kab jon trapiŭ na śviatkavańnie jubileju rasijskaha dyzajniera Hošy Rubčynskaha. «Baza» daviedałasia padrabiaznaści vizitu Uesta ŭ Maskvu.
01.07.2024 / 13:07
Kańje Uest. Fota: Evan Agostini / Invision / AP
Pa danych krynic «Bazy», na ciapierašni momant u arhanizataraŭ kancertu jość dva asnoŭnych miescy dla praviadzieńnia mierapryjemstva — «Łužniki» i stadyjon «Dynama» («VTB Arena»).
Kańje razam z Rubčynskim asabista hladzieli varyjanty placovak. Pa danych «Bazy», firmie, jakaja budzie arhanizoŭvać kancert (Kampanija «Art łajf»), bolš padabajecca varyjant z «Łužnikami» (tudy možna pradać bolš kvitkoŭ). Samomu Kańje bolš spadabałasia dynamaŭskaja Arena (jana sučaśniej, i tam lepš akustyka).
Rašeńnie pa miescy praviadzieńnia kancerta płanujecca pryniać na praciahu dvuch tydniaŭ.
U mai niekatoryja ŚMI pisali, što Uest vystupić u «Łužnikach» 8 červienia, adnak pradstaŭniki kancertnaj placoŭki źniapraŭdzili hetuju infarmacyju.
Uest apošnim časam trapiŭ u šerah skandałaŭ: u pryvatnaści, jon uschvalaŭ Hitlera i apublikavaŭ u tvitary post z hrafičnym simvałam, jaki spałučaje svastyku i zorku Davida.
Kańje Uest zajaviŭ, što simpatyzuje Hitleru
CNN: Kańje Uest chacieŭ dać adnamu sa svaich albomaŭ nazvu Hitler