Нырнуў і не вынырнуў. 16-гадовы падлетак патануў у Столінскім раёне
Чарговая трагедыя на вадзе адбылася ў апошні дзень чэрвеня ў Столінскім раёне у вадаёме каля вёскі Талмачава Столінскага раёна.
01.07.2024 / 17:45
Паводле папярэдняй інфармацыі, 16-гадовы падлетак паведаміў свайму айчыму, што пойдзе ў гарачы дзень пакупаецца.
Са слоў іншых падлеткаў, якія знаходзіліся на вадаёме, хлопец зайшоў у ваду па пояс і акунуўся. Пасля ён пачаў плыць ад берага, пайшоў пад ваду і на паверхні больш не з'явіўся.
Здагадаўшыся, што юнак мог патануць, дзеці пабеглі ў вёску і паведамілі пра здарэнне дарослым. Тыя патэлефанавалі ў хуткую медыцынскую дапамогу і пачалі самастойныя спробы пошуку хлопца.
Цела патанулага знайшлі работнікі выратавальнай станцыі АСВОД з Давыд-Гарадка пры выкананні вадалазных спускаў. Юнак знаходзіўся за 20 метраў ад берага на пяціметровай глыбіні. Медыкам заставалася толькі канстатавалі смерць хлопца.
Пад Слуцкам учора ў адным вадаёме патанулі два браты
У Мазыры патануў 14-гадовы падлетак
Сталі вядомыя падрабязнасці трагедыі ў Гомельскай вобласці, дзе патанула аднагадовае дзіця
Хлопец у Кобрынскім раёне скокнуў з тарзанкі — і не вынырнуў