Bujny niamiecki bank biez tłumačeńnia pryčyn zakryvaje rachunki biełarusaŭ — navat dziciačyja
Niamiecki Sommerzbank u adnabakovym paradku zakryvaje rachunki hramadzian Biełarusi. Biełarusy, jakija žyvuć u Hiermanii, stali atrymlivać listy ad banka ab skasavańni damoŭ, pry hetym pryčyny takoha rašeńnia nie nazyvajucca, piša «Salidarnaść».
01.07.2024 / 21:45
Foto: Wikimedia Commons
U čatach biełarusy raskazvajuć, što rachunki zakryvajuć usim — niezaležna ad najaŭnaści DNŽ ci PMŽ. Zakryvajuć i dziciačyja nazapašvalnyja rachunki.
Aktyvist Pavieł Batujeŭ raskazaŭ, što rašeńnie banka zakranuła i jaho:
«Mnie niaciažka adkryć rachunak u inšym banku, ale sama situacyja haniebnaja. Pasprabuju napisać kiraŭnictvu banka, što dyskryminavać dyskryminavanych nie vielmi dobra».
Sommerzbank — treci pa vieličyni aktyvaŭ bankaŭski kancern u Hiermanii.
Prablema z adnym z bankaŭ raniej uźnikła ŭ biełarusaŭ u Polščy. Bank Santander staŭ błakavać rachunki hramadzian Biełarusi, u jakich niama jeŭrapiejskaha DNŽ.
Polski bank Santander dyskryminuje biełarusaŭ pa ŭłasnaj inicyjatyvie
Aktyvisty skłali pietycyju ŭ polski bank Santander z prośbaj nie dyskryminavać biełarusaŭ
Papularny polski bank uvioŭ jašče adno abmiežavańnie dla biełarusaŭ
Łatuška źviarnuŭsia ŭ Kamisiju finansavaha nahladu Polščy ŭ suviazi z bankam Santander
Papularny polski bank staŭ błakavać biełarusam dostup da anłajn-akaŭntaŭ. Što zdaryłasia?