Polski bank daŭ biełarusam dva tydni, kab prynieści DNŽ. Chto nie pryniasie, taho adklučać ad prahramy
Mnohija biełarusy, jakija źjaŭlajucca klijentami banka Santander u Polščy, atrymali ad jaho esemeski na ruskaj movie. Bank prosić ich pradstavić da 26 červienia polski DNŽ — časovy abo stały, piša telehram-kanał Dzik Pic.
Adzin ź biełarusaŭ, jaki atrymaŭ taki SMS, źviazaŭsia z bankam i raskazaŭ, što jamu tam udałosia daviedacca:
«Patelefanavaŭ, [spytaŭ, što budzie, kali nie prynieści płastyk]. Skazali, mabilnaja prahrama budzie zabłakavanaja, ale možna budzie karystacca kartaj, BLIK. […] Dla siabie pryniaŭ rašeńnie bolš nie karystacca Santander, i ŭ najbližejšy čas vyviedu ŭsie hrošy i zakryju rachunki».
U jakaści pravavoha abhruntavańnia svaich dziejańniaŭ bank spasyłajecca na dakumienty Jeŭrasajuza ab abmiežavalnych mierach u suviazi ź situacyjaj u Biełarusi i datyčnaściu Biełarusi da ahresii Rasii suprać Ukrainy.
Abmiežavańni z boku banka Santander dla hramadzian Biełarusi biez polskaha DNŽ pačalisia ŭ 20-ch čysłach maja. Takim ludziam błakavali dostup da rachunka i mabilnaj prahramy. Heta značyć, jany mahli płacić kartaj, ale nie mahli, naprykład, mianiać valutu anłajn.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary