Siezon ahurkoŭ: skarystajcie jaho tak
Čym karysnyja ahurki i jak atrymać ad ich maksimum.
02.07.2024 / 20:49
Fota: Wikimedia Commons
Ahurki vyłučajucca vysokim utrymańniem vady (da 96%), što robić ich dobrym srodkam dla zdavoleńnia smahi. Źjeŭšy adzin śviežy ahurok u śpiakotny dzień, vy ŭžo spatolicie smahu.
Mienavita z vadoju źviazanyja šmat jakija karysnyja ŭłaścivaści hetaj harodniny. Ahurkovy sok — pryrodny absarbient, jaki vyvodzić taksiny i šłaki z arhanizma. Akramia hetaha, soli ŭ składzie ahurka vyraŭnoŭvajuć kisłotna-łužny bałans i praces abmienu rečyvaŭ, niejtralizujuć i vyvodziać z arhanizma liški kisłych złučeńniaŭ. Tamu hetaja harodnina — vydatny srodak suprać kamianioŭ u nyrkach.
Ahurki źmiaščajuć bolšaść vitaminaŭ, jakija patrabujucca našamu arhanizmu štodzień. Vitaminy A, B i C umacujuć vašu imunnuju sistemu i daduć zarad enierhii.
Śpiecyjalisty zapeŭnivajuć, što bolš karysna dla zdaroŭja jeści ahurki z łupinaj, bo ŭ joj jość šmat karysnych rečyvaŭ i vitaminaŭ.
Ahurok — harodnina z admoŭnaj kałaryjnaściu. Heta značyć, što čałaviek zatracić bolš kałoryj na jaho pieravarvańnie, čym atrymaje ad jaho. Tamu hetaja harodnina — idealnaja ježa dla tych, chto choča schudnieć. Ale varta pamiatać, što ŭ ahurkach mała białku — usiaho 0,5 h na 100 h, tamu treba štodnia ŭžyvać inšuju harodninu, bahatuju na jaho.
Fota: Wikimedia Commons
Śpiecyjalisty rekamiendujuć hetuju harodninu ludziam, jakija chvarejuć na dyjabiet. Ahurki dapamahajuć narmalizavać vypracoŭku insulinu, adpaviedna, źnizić uzrovień cukru ŭ kryvi. Šerah daśledavańniaŭ paćviardžaje, što ŭzrovień hlukozy prychodzić u normu ŭžo praz paŭhadziny paśla taho, jak pacyjent z dyjabietam źjeŭ ahurok.
Miakkaja mačahonnaja ŭłaścivaść ahurkoŭ i ich nasyčanaść kalijem robiać ich niezamiennymi ŭ charčavańni ludziej z sardečna-sasudzistymi zachvorvańniami, asabliva z tymi, jakija supravadžajucca aciokami.
Vałokny hurka palapšajuć stravavańnie, stymulujuć pracu kišačnika, spryjajučy jaho matorycy i pierystaltycy.
Dla dobraj pierystaltyki kišačnika dyjetołahi rajać źjadać dva-try nievialikija ahurki ŭ dzień.
Da taho ž, źjeŭšy ahurok, vy taksama niejtralizujecie niepryjemny pach z rota.
Ahurki i zdaroŭje skury
Vykarystoŭvajučy ahurki jak štodzionny dohlad za skuraj, možna dabicca ŭražlivych vynikaŭ. Samy prosty sposab — heta prosta narezać ahurki kruhami i prykłaści da vyčyščanaj skury tvaru na 10—15 min. Ahuročnyja łustački, pakładzienyja na vočy, zdymajuć ciomnyja kruhi vakoł ich.
Fota: cottonbro studio / pexels.com
Zaŭvažana, što ahurkovy sok aśviažaje skuru, adbielvaje jaje, nadaje joj aksamicistaść i matavaść, a taksama spryjaje vydaleńniu vuhravoha sypu, viasnušak, pihmientavanych plam i zaharu. Karysna čas ad času pracirać tvar łustačkami ahurka.
U adroźnieńnie ad mnostva jak kaśmietyčnych, tak i narodnych srodkaŭ, ahurok nie vyklikaje razdražnieńnia. Akramia taho, jon jašče i vydatna ŭvilhatniaje skuru, zvužaje pory i kantraluje vypracoŭku skuranoha tłušču.
U ahurkach jość kremnij, jaki nieabchodny dla zdaroŭja vałasoŭ. Kali rehularna jość ahurki, vałasy buduć mocnymi i bliskučymi. Akramia taho, u ahurkach źmiaščajecca siera, jakaja spryjaje rostu vałasoŭ.
Kamu nielha jeści ahurki
Niahledziačy nie biassprečnuju karyść harodniny, varta pamiatać pra supraćpakazańni.
Nie rekamiendujecca jeści ahurki ludziam z chraničnymi zachvorvańniami straŭnikava-kišačnaha trakta, pry abvastreńni jazvy, hastrycie, enterakalicie. Hastraenterołahi nie rekamiendujuć pić paśla ahurkoŭ chałodnuju vadu, hazavanyja napoi i asabliva małako. Inakš parušajecca dziejnaść straŭnika, abciažarvajecca stravavańnie, mohuć uźniknuć boli ŭ žyvacie i adčuvańnie ciažaru ŭ im.
Małasolnyja ahurki: u čym ich karyść i navošta dadavać u słoik liście duba i parečak
Jak va ŭmovach biełaruskaha klimatu vyroščvać niekalki ŭradžajaŭ za hod
U čym karyść kłubnic i ŭ jakich abjomach ich varta jeści