Łukašenka asipłym hołasam i z zadyškaj zajaviŭ, što treba pryvieści da ŭłady novych maładych ludziej
Palityk uručyŭ dziaržaŭnyja ŭznaharody z nahody aficyjnaha Dnia niezaležnaści, a blizki da jahonaj pres-słužby kanał zrabiŭ cikavy akcent.
02.07.2024 / 18:02
Skrynšot videa: Puł Piervoho
Alaksandr Łukašenka vystupiŭ pierad ludźmi, jakim uručyŭ dziaržaŭnyja ŭznaharody. Palityk havaryŭ prykmietna asipłym hołasam. Akramia taho, u niekatoryja momanty ŭ Łukašenki źjaŭlałasia prykmietnaja zadyška. U takim ža stanie krychu raniej jon kamunikavaŭ z novym pasłom Biełarusi ŭ Rasii.
U svajoj pramovie pierad kavalerami dziaržuznaharod Łukašenka raskazaŭ, što jon im zajzdrościć — maŭlaŭ, u jaho ž uznaharod niama. Blizki da jaho pres-słužby kanał «Puł Piervoho» pry hetym abraŭ dla publikacyi videa hetaj pramovy cikavy akcent.
U zahałovak aŭtary kanała vynieśli cytatu Łukašenki pra toje, što da ŭłady para pryvodzić maładych.
«Vy šmat čaho rabili, kab pabudavać našu krainu. My razam z vami prajšli hety najciažejšy šlach. My heta zrabili. Tamu zrobim i toje, što my pavinny zrabić, — pryvieści da ŭłady, da kiraŭnictva ŭ krainie novych maładych ludziej, jakija praciahnuć tyja spravy, jakija my pačali», — adznačyŭ Łukašenka.
U hety momant apieratar pakazaŭ 74-hadovaha vieterana biełaruskaj namienkłatury Uładzimira Siamaški — jon uchvalna kivaŭ, sapraŭdy vyhladajučy na čałavieka, ź jakoha šmat užo nie voźmieš.
Uładzimir Siamaška — treci źleva
Łukašenka nazvaŭ śpikiera rasijskaj Dziarždumy starejšym bratam i amal pracytavaŭ Baradulina
«Nikomu nie kaža, čyj syn». Jak u Piekinie vučycca Kola Łukašenka