U Indyi kala sotni čałaviek zahinuli ŭ ciskaninie padčas relihijnaha schodu
Trahiedyja adbyłasia ŭ vioscy raci Bchanpur, na ŭskrainie jakoj ludzi sabralisia, kab pasłuchać viadomaha prapaviednika Bchole Babu. Takija relihijnyja sustrečy nazyvajucca satsanh, piša Bi-bi-si.
02.07.2024 / 22:03
Fota: AP Photo
Praces apaznańnia achviar, siarod jakich šmat žančyn, a taksama dziaciej, usio jašče praciahvajecca.
Pakul niezrazumieła, što mienavita pryviało da ciskaniny. Pa słovach vidavočcaŭ, vychad byŭ zanadta vuzkim, i, kali ludzi pakidali mierapryjemstva, z-za mocnaj pyłavoj bury ŭźnikła mituśnia i panika, u vyniku čaho mnohija ludzi byli zataptanyja.
Miortvych i kantužanych udzielnikaŭ mierapryjemstva pryvozili ŭ traŭmatałahičny centr na hruzavikach, motarykšach i navat na matacykłach. Miesca ŭnutry balnicy nie chapiła, i cieły stali składać prosta la ŭvachodu.
Na adnym z rolikaŭ, jakija źjavilisia ŭ sacsietkach, bačnaja žančyna, jakaja płača nad niekalkimi niežyvymi ciełami ŭ kuzavie hruzavika, na inšym — cieły mužčyny i žančyny, jakija lažać pobač.
Kolkaść zahinułych padčas chadžu pałomnikaŭ užo pieravysiła 1000 čałaviek
Bolš za 550 pałomnikaŭ zahinuli padčas chadžu z-za niečuvanaj śpioki. U Mieccy zaraz +51°S
Piakielnyja vybary ŭ Indyi. U Deli + 53°C, dziasiatki čałaviek zahinuli