Śviet1010

Piakielnyja vybary ŭ Indyi. U Deli + 53°C, dziasiatki čałaviek zahinuli

Ptuški i dzikija małpy ŭ horadzie hublajuć prytomnaść ad śpioki.

Fota: Manish Swarup / AP

Indyja pieražyvaje žudasnuju śpioku: tempieratura ŭ niekalkich haradach pieravyšaje 45 hradusaŭ pa Celsii, dziasiatki ludziej pamierli ad ciepłavoha ŭdaru. Paralelna ŭ krainie paŭtara miesiaca prachodziać usienarodnyja vybary, piša Bi-bi-si.

29 traŭnia ŭ Deli zarehistravali rekordnuju tempieraturu ŭ 52,9 hradusa Celsija. Ptuški i dzikija małpy ŭ horadzie traciać prytomnaść ad śpioki.

Mocnaja śpioka pryviała jašče i da vodnaha kryzisu: vady spažyvajecca ŭsio bolš, a ź pierasochłych rek jaje pastupaje ŭsio mienš. U niekatorych rajonach Indyi stalicy vadapravod nie spraŭlajecca, krany pierasochli, i ŭłady byli vymušanyja pryhnać aŭtacysterny, kab arhanizavać hramadskija punkty razdačy vady.

U niekatorych rehijonach Indyi časova spynili zaniatki ŭ škołach. Vulicy apuścieli, šmatlikija kramy začynilisia: ludzi imknucca radziej vychodzić na vulicu.

Ekstremalnaje nadvorje zabrała žyćci ŭžo jak minimum 50 čałaviek pa ŭsioj krainie. Dakładniej skazać składana: ahulnych ličbaŭ śmierciaŭ ad śpioki pa ŭsioj krainie Indyja nie publikuje.

Vysoki sud zachodniaha štata Radžastchan, dzie na hetym tydni ŭstalavałasia samaje haračaje nadvorje, zajaviŭ, što ŭłady nie pryniali naležnych mier dla abarony nasielnictva.

«Praz ekstremalnyja ŭmovy nadvorja ŭ vyhladzie śpioki ŭ hetym miesiacy zahinuli sotni ludziej», — zajaviŭ sud u čaćvier.

Ad śpioki hinuć u tym liku tyja, chto zadziejničany ŭ arhanizacyi vybaraŭ u parłamient, jakija padychodziać da kanca ŭ Indyi.

Vybary ciahnucca šeść tydniaŭ, prachodziać u siem etapaŭ, mnohija supracoŭniki vybarčych kamisij abaviazany stajać na pastu ŭvieś dzień, časta — pad adkrytym niebam.

U čaćvier u štacie Bichar ad śpioki pamierli 14 čałaviek, paviedamili aficyjnyja krynicy, ź ich 10 udzielničali ŭ arhanizacyi vybaraŭ.

U samym hustanasielenym štacie Indyi — Utar-Pradeš — u piatnicu pamierli prynamsi dzieviać supracoŭnikaŭ vybarčych kamisij, uklučajučy achoŭnikaŭ, paviedamlaje ahienctva Reuters.

«U ich była vysokaja tempieratura, kali ich pryvieźli. Mahčyma, heta taksama vyklikana ciepłavym udaram. U ciapierašni čas my lečym prynamsi 23 čałavieki, dastaŭlenych z vybaraŭ», — skazaŭ žurnalistam dyrektar miedycynskaj ustanovy, kudy pryvieźli paciarpiełych.

Vybarščykam taksama davodzicca ciažka: na ŭčastkach utvarajucca čerhi, stajać prychodzicca na piekle. Vybarčyja kamisii prapanujuć vadu tym, chto pryjšoŭ prahałasavać, i dajuć vientylatary dla tych, chto čakaje ŭ čerhach.

Svajaki paciarpiełych ad ciepłavoha ŭdaru raspaviali AFP, što struchlełyja dziaržaŭnyja balnicy ź ciažkaściu spraŭlajucca z napłyvam pacyjentaŭ.

U krasaviku, traŭni i červieni ŭ bolšaści rajonaŭ Indyi zaŭsiody horača, pakul siezon musonnych daždžoŭ nie prynosić prachałodu.

Ale ŭ apošnija hady śpioka stała ekstremalnaj.

U minułym hodzie tolki ŭ krasaviku i traŭni mocnaja śpiakota zabrała žyćci bolš za 100 čałaviek u Indyi i susiednim Pakistanie. Vysokija tempieratury taksama źniščyli sotni tysiač akraŭ pasievaŭ, ad čaho paciarpieli miljony ludziej u šyrokim sielskahaspadarčym siektary Indyi.

Ale ciapierašniaja śpioka bje papiarednija rekordy.

Navukoŭcy źviazvajuć ekstremalnuju śpiakotu ŭ Azii sa źmianieńniem klimatu. Indyja — samaja hustanasielenaja kraina ŭ śviecie — zajmaje treciaje miesca pa vykidach parnikovych hazaŭ.

Kamientary10

  • Našeście varon, mošak, pčoł
    01.06.2024
    Čakajem śpioku
  • 3 dievicy pod oknom...
    01.06.2024
    i tolki našy pa staroj saŭkovaj tradycyi mužna stajali ŭ čerhach piakielnym letam
  • Acab
    01.06.2024
    škada ludziej, amatary mierkavańnia, što źmieny klimatu naturalnaja reč zvyčajna demakratyjami roznymi hrebujuć zajmacca
    A ludzi zahinuli nie praz ŭłaścivuju Indyjam śpieku, a praz vykanańnie relihijnaha demakratyčnaha rytuału
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Usie naviny →
Usie naviny

«Voś ubačycie. Praź niekalki tydniaŭ ci dzion». Namioki Łukašenki pra niejkija kroki vyrazali z tekstavaj viersii jaho pramovy14

«Ni ŭ jakim razie ja nie rabiŭ zajavy». Kiełah źniapraŭdziŭ słovy Łukašenki11

Kupiŭ budynak pad restaran za 262 tysiačy rubloŭ. Ciapier učastak chočuć zabrać, kab pabudavać tam… restaran5

«Tym, chto nastalhuje pa saŭku, spadabajecca». Błohier pieranačavaŭ u najhoršych hatelach Biełarusi i padzialiŭsia ŭražańniami11

Prakopjeŭ: Źniźcie ŭzrovień čakańniaŭ. Ja nie baču nivodnaj abjektyŭnaj pryčyny, kab nastupała adliha14

Rasijanina zatrymali z 37 kiłahramami narkotykaŭ u Minsku2

Kudy biełarusy mohuć latać bieź vizy i bieź pierasadak?3

«Chtości ŭ kiraŭnictvie siłavikoŭ vyrašyŭ vyvieści Bialucina sa «spravy Aŭtuchoviča» i vykarystać inačaj»3

Zialenski padtrymaŭ Azierbajdžan u kanflikcie z Rasijaj2

bolš čytanych navin
bolš łajkanych navin

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Hałoŭnaje
Usie naviny →

Zaŭvaha:

 

 

 

 

Zakryć Paviedamić