Na paradzie śpiecnazaviec zrabiŭ prapanovu dziaŭčynie-vajskoŭcy. Chto jany?
Rolik užo nabraŭ u tyktoku 350 tysiač prahladaŭ.
03.07.2024 / 21:10
Skrynšot videa ŭ tyktoku
Chłopca, jaki zrabiŭ prapanovu ruki i serca na paradzie ŭ Minsku, zavuć Illa Strecha, naradziŭsia jon u Navapołacku. U 2022 hodzie skončyŭ Połackaje kadeckaje vučylišča. U tym ža hodzie Illa źniaŭsia ŭ imidžavym videa Uzbrojenych sił Respubliki Biełaruś — jon byŭ u formie pamiežnika.
Miarkujučy pa jaho sacyjalnych sietkach, Illa maryć źviazać svajo žyćcio z pracaj u siłavych strukturach i ciapier źjaŭlajecca śpiecnazaŭcam. Navat na videa z prapanovaj ruki i serca, jakoje vidavočna płanavałasia jak ramantyčnaje, jon pastaviŭ cheštehi #omon i #śpiecnaz.
U adnym sa svaich tyktokaŭ Illa žartuje z taho, što ŭsie dumajuć, byccam jaho baćka taksama vajskoviec, a nasamreč toj śviatar. Uładzimir Strecha — nastajaciel chrama Śviaciciela Mikałaja Cudatvorca ŭ vioscy Novy Pahost. Maci Illi Aksana pracuje cyrulnicaj.
Illa Strecha i Natalla Korban. Fota z sacyjalnych sietak Illi
Dziaŭčynu Illi zavuć Natalla Korban, jana ź Viciebska. Natalla — vajskovy miedyk. Na prapanovu Illi stać jaho žonkaj dziaŭčyna adkazała: «Tak!».
Valfovič pakryŭdziŭsia na armianaŭ za admovu ad parada ŭ Minsku
Biasstrašnaja Volha Bondarava najechała na Łukašenku za jaho vystup na paradzie
Dačce Kačanavaj prapanoŭvajuć schadzić na parad — za 120 rubloŭ premii