Valfovič pakryŭdziŭsia na armianaŭ za admovu ad parada ŭ Minsku
Dziaržaŭny sakratar Rady biaśpieki Biełarusi nazvaŭ pryčyny niaŭdziełu armianskich vajskoŭcaŭ nadumanymi.
Siońnia ŭ Minsku prajšoŭ vajskovy parad da Dnia niezaležnaści. U im, akramia biełaruskich vajskoŭcaŭ, uziali ŭdzieł paradnyja raźliki z Rasii, Azierbajdžana, Kazachstana, Kitaja, Tadžykistana i Uźbiekistana. Pa słovach Alaksandra Valfoviča, armianski bok taksama zaprašali, ale jon admoviŭsia.
«Armienija pakul źjaŭlajecca ŭdzielnikam ADKB, jaje zaprašajuć na ŭsie forumy pa linii hetaj arhanizacyi. Ale pa niejkich nadumanych, chutčej za ŭsio, subjektyŭnych pryčynach (my razumiejem, što heta za pryčyny), na žal, delehacyja Armienii, paradnyja raźliki Armienii nie prybyli dla ŭdziełu ŭ paradzie», — skazaŭ dziaržsakratar Rady biaśpieki.
Taksama Valfovič zhadaŭ abaronu Bresckaj krepaści, jakaja nibyta pavinna była paŭpłyvać na rašeńnie Armienii.
«Vielmi krasamoŭny prykład Bresckaj krepaści, kali ŭ samyja pieršyja dni vajny na jaje abaronu ŭstali pradstaŭniki 34 nacyjanalnaściej. Tady nie dzialili, armianin ty abo azierbajdžaniec, ruski, biełarus abo ŭkrainiec. Našy dziady i pradziedy razam supraćstajali. I jany tady zakłali pieršuju cahlinku ŭ fundamient Vialikaj Pieramohi», — skazaŭ jon.
Nahadajem, što ŭ červieni premjer-ministr Nikoł Pašynian zajaviŭ, što bolš nie naviedaje Biełaruś, pakul u jaje va ŭładzie znachodzicca Alaksandr Łukašenka. Jon abvinavaciŭ biełaruskija ŭłady ŭ dapamozie Azierbajdžanu padčas druhoj karabachskaj vajny. Ministr zamiežnych spraŭ Armienii paśla hetaha sustrakaŭsia z demakratyčnaj lidarkaj Biełarusi Śviatłanaj Cichanoŭskaj.
Čynoŭniki prydumali niezvyčajny sposab utrymać školnikaŭ ad pastupleńnia za miažu8
Kamientary