Volha Harbunova nazvała vyzvaleńnie palitviaźniaŭ «vielmi važnym krokam humannaści»
Pradstaŭnica pa sacyjalnaj palitycy Abjadnanaha pierachodnaha kabinieta Volha Harbunova vykazałasia pra siońniašniaje vyzvaleńnie ŭ Biełarusi niekatorych palitźniavolenych.
03.07.2024 / 21:45
Volha Harbunova ŭ centry. Fota: Ofis Śviatłany Cichanoŭskaj
Pavodle słoŭ Volhi Harbunovaj, siońnia byŭ «vielmi chvalujučy dzień», u jaki «vielmi šmat siemjaŭ adčuli vialikuju nadzieju, što jany zmohuć chutka ŭbačyć svaich rodnych». Jana vykazała spadziavańnie, što «ludzi ŭ ciažkim stanie, ź invalidnaściu, z ankazachvorvańniami viernucca dadomu ŭ najbližejšy čas».
Na jaje dumku, padpisany Łukašenkam zakon «Ab amnistyi…» prademanstravaŭ imknieńnie da humannaści.
«Krok humannaści, jaki my bačym siońnia, vielmi važny: i dla ludziej, jakim patrebnaja dapamoha, i dla siemjaŭ, jakija tak doŭha čakali i padtrymlivali ŭ hetym vyprabavańni blizkich. I heta nadzieja dla ŭsich astatnich palitviaźniaŭ, jakim taksama patrebnaja dapamoha».
Harbunova padkreśliła, što hałoŭnaje — heta čałaviečaje žyćcio, i
«ŭ čym by ni była sapraŭdnaja pryčyna pryniataha rašeńnia, humanitarnyja misii nie pavinny palityzavacca i vykarystoŭvacca na škodu ludziam, ich žyćciu i svabodzie».
Vypuścili staršyniu BNF Ryhora Kastusiova
Z kałonij pačali vypuskać pieršych palitviaźniaŭ
Palitviazień Jaŭhien Baroŭski z surjoznymi prablemami sa zdaroŭjem vyjšaŭ na svabodu ŭ červieni
Łukašenka padpisaŭ zakon ab amnistyi, jakaja anansavałasia z pačatku hoda
Kaho z palitviaźniaŭ mohuć vypuścić paśla anonsu Łukašenki?
Łukašenka anansavaŭ vyzvaleńnie ciažkachvorych palitviaźniaŭ