Palitviazień Jaŭhien Baroŭski z surjoznymi prablemami sa zdaroŭjem vyjšaŭ na svabodu ŭ červieni
Jon fihuravaŭ u humanitarnym śpisie, ale adsiedzieŭ termin da kanca.
Minčuk Jaŭhien Baroŭski (1990 hoda naradžeńnia) byŭ adnym z tych, chto sprabavaŭ adbić demanstranta ŭ milicyi na Puškinskaj padčas maršu 11 kastryčnika 2020 hoda. Jaho zatrymali i prysudzili 4 hady źniavoleńnia — za ŭdzieł u maršy i za hvałt u adnosinach milicyjaniera. Baroŭski admoviŭsia pryznavać vinu.
Palitviazień trapiŭ u mahiloŭskuju kałoniju. U 2022 hodzie ŭ Baroŭskaha pahoršaŭ stan zdaroŭja. Ale zamiest lačeńnia jaho adpravili ŭ ŠIZA. «Ja, napeŭna, prosta pamru tut — mnie nastolki drenna», — pieradavaŭ jon siamji.
Pravaabaroncy ŭklučyli Baroŭskaha ŭ tak zvany humanitary śpis — pieralik asobaŭ, jakija pa ŭzrocie, stanie zdaroŭja, najaŭnaści invalidnaści i inšych faktaraŭ majuć patrebu ŭ ekstrannaj miedycynskaj dapamozie i pavinny być vyzvalenyja nieadkładna.
Tym nie mienš zakliki hramadskaści byli pakinutyja biez uvahi.
Jaŭhien Baroŭski vyjšaŭ na svabodu ŭ siaredzinie červienia 2024 hoda, całkam adbyŭšy termin.
Nahadajem, Alaksandr Łukašenka anansavaŭ vyzvaleńnie palitviaźniaŭ z ankałahičnymi zachvorvańniami.
Paśla troch hadoŭ źniavoleńnia vyjšaŭ na svabodu hrodzienski błohier Vadzim Vadimati Jermašuk
Vyjšaŭ na svabodu 73-hadovy palitviazień Alaksandr Novikaŭ — kedebist, stvaralnik adyjoznaha sajta «Litkrytyka»
Vyzvalenaja Alesia Bunievič: «Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»
Ciapier čytajuć
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary