Da Alimpijady ŭ Paryžy dapuścili jašče čatyroch biełaruskich spartsmienaŭ
Mižnarodny alimpijski kamitet dapuściŭ jašče čatyroch biełaruskich spartsmienaŭ da ŭdziełu ŭ Alimpijadzie ŭ Paryžy ŭ niejtralnym statusie. Zaprašeńni atrymali płyŭcy Alina Zmuško, Illa Šymanovič i Anastasija Škurdaj, a taksama tekvandyst Hieorhij Hurcyjeŭ. Na sajcie MAK nie paznačana, ci pryniali hetyja spartsmieny zaprašeńni.
04.07.2024 / 18:24
U Tokia-2021 adzinaje zołata dla biełarusaŭ prynios batutyst Ivan Litvinovič. Tady ŭsiaho biełarusy zavajavali siem uznaharod (zołata, try srebry i try bronzy)
Ahułam MAK nakiravaŭ zaprašeńni 23 biełaruskim spartoŭcam. Šaściora ź ich — Jahor Akulič, Uładzisłaŭ Kazłoŭ, Dźmitryj Zarubski, Vijaleta Rebikava i Kryścina Sazykina (usie — baraćba) i tenisistka Aryna Sabalenka — admovilisia ŭdzielničać u Alimpijskich hulniach.Tenisistka Viktoryja Azaranka taksama, jak vyhladaje, nie budzie ŭdzielničać u Alimpijadzie.
Raniej paćvierdzili svoj udzieł u Hulniach vieślary Jaŭhien Załaty i Taciana Klimovič, strałki Darja Čuprys i Alaksandra Piatrova, tenisistka Viktoryja Azaranka, Hanna Cierach (šašejnyja viełahonki), Ivan Litvinovič i Vijaleta Bardziłoŭskaja (skački na batucie), Siuzana Vaładźko i Jaŭhien Cichancoŭ (ciažkaja atletyka), a taksama Abubakar Chasłachanaŭ (baraćba), Uładzisłaŭ Kraviec i Julija Truškina (viesłavańnie na kanoe).
Niaŭrymślivaja Volha Bondarava zaniałasia vialikim tenisam
Kolki biełaruskich spartoŭcaŭ na siońnia zajaŭlenyja na Alimpijadu? Vielmi mała