Золатавалютныя рэзервы скарачаюцца другі месяц запар
Міжнародныя рэзервовыя актывы Беларусі на 1 ліпеня скараціліся на $52,9 млн, паведаміў Нацбанк.
05.07.2024 / 11:04
Ілюстрацыйнае фота
На 1 ліпеня ЗВР Беларусі ацэньваліся ў $8 358,5 млн. месяцам раней было $8 411,4 млн. а за май-чэрвень рэзервовыя актывы сукупна зменшыліся на $83,9 млн.
Каля паловы рэзерваў краіны складае манетарнае золата — $4 050,8 млн. У чэрвені яно трохі патаннела, што адпавядае трэндам сусветнага рынку.
$2 948,3 млн — столькі складаюць ЗВР у замежнай валюце. $1 359,2 млн — спецыяльныя правы запазычання (SDR). Апошняе — «унутраная» валюта МВФ, якую Беларусі праз санкцыі цяпер амаль немагчыма абмяняць на «жывыя» грошы.
Фальшывыя даляры складаюць 84% абароту, беларускія рублі — 1,6%
Ці варта чакаць дэвальвацыі ў Беларусі?