Эканоміка33

Ці варта чакаць дэвальвацыі ў Беларусі? 

Нацбанк раней казаў пра рызыку дэвальвацыі — у тым ліку праз тое, што насельніцтва і бізнэс бяруць шмат крэдытаў. Эксперты таксама папярэджваюць аб небяспецы перагрэтай эканомікі. «Наша Ніва» спытала ў эканаміста, чаго чакаць.

Ілюстрацыйны здымак. Фота: «Наша Ніва»

Дэвальвацыя адбываецца і цяпер

Эксперт BEROC Анастасія Лузгіна лічыць, што чакаць рэзкай дэвальвацыі беларускага рубля бліжэйшым часам не варта.

«Дэвальвацыя і цяпер адбываецца — калі рубель знізіўся на долю адсотка. Але ўсіх палохае не плаўнае і малазначнае змяненне курсу, а калі дэвальвацыя паскараецца. У сённяшняй сітуацыі мы бачым, што курс можа змяніцца як у бок умацавання, так і ў бок зніжэння».

Праблемнай жа з'яўляецца сітуацыя, калі дэвальвацыя паскараецца ці мае пастаянны характар. Гэтага цяпер няма.

Рэзкую дэвальвацыю выклікаюць унутраныя праблемы ў эканоміцы ці сур'ёзныя вонкавыя фактары.

«Напрыклад, дэвальвацыя 2022 года была звязаная з дынамікай курсу расійскага рубля. Яна не мела ўнутрыэканамічных перадумоваў, таму разгортвалася як у адзін, так і ў другі бок», — тлумачыць эксперт.

У той жа час, калі ў эканоміцы разбалансіроўка, дэвальвацыя забяспечвае пераход рынку ў новы раўнаважны стан.

Ілюстрацыйны здымак. Фота: «Наша Ніва»

Што можа прывесці да падзення рубля?

На думку Лузгіной, асноўны фактар, які можа справакаваць паскарэнне дэвальвацыі, — гэта пагаршэнне сальда па знешнім гандлі.

«Калі паглядзець на даныя за сакавік, то ў нас расце адмоўнае сальда гандлёвага балансу перш за ўсё па таварах. Па выніках студзеня-лютага агульнае сальда па таварах і паслугах складала 23 мільёны. Калі маюцца такія невялікія станоўчыя паказчыкі па сальда, то ўзнікае рызыка прыйсці да адмоўных паказчыкаў.

У выпадку, калі па выніках года краіна выйдзе на адмоўны гандлёвы баланс, то атрымаецца, што прыток валюты ў краіну будзем меншым, чым яе трата.

У такім выпадку валюта будзе ў дэфіцыце, і курс беларускага рубля да даляра пачне зніжацца. Такая рызыка ёсць, але пакуль сітуацыя на рынку спакойная. З пачатку года беларускі рубель да даляра знізіўся на 1,75%, да расійскага рубля ўмацаваўся на 0,12%, агулам да валютнага кошыка зніжэнне з пачатку года склала менш за 0,5%. Летась было 0,35%».

Па выніках года мы будзем назіраць зніжэнне курсу беларускага рубля да даляра.

Такі прагноз супадае з тым, што мы назіраем цягам некалькіх апошніх гадоў. Напрыклад, пяць гадоў таму даляр каштаваў 2,1 рубля, вясной 2020 года — каля 2,4 рубля, а перад пачаткам вайны — каля 2,6. 

Ілюстрацыйны здымак. Фота: «Наша Ніва»

Нацбанк зрабіў працу над памылкамі

«З прыходам Калаура Нацбанк змяніў падыход да вызначэння курсу беларускага рубля. У нас ужо на працягу 8 гадоў ідзе рынкавае курсаўтварэнне. Была праведзеная праца над памылкамі, цяпер Нацбанк не ўтрымлівае курс рубля, як гэта было да 2015 года, таму рэзкай дэвальвацыі чакаць не варта», — лічыць эксперт.

Падводзячы вынік, Анастасія Лузгіна адзначае, што для сапраўды рэзкай дэвальвацыі беларускага рубля павінны адбыцца якія-небудзь экстраардынарныя падзеі, як, напрыклад, пачатак поўнамаштабнай вайны ва Украіне. Аднак нават у дадзеным выпадку не варта блытаць зніжэнне курсу беларускага рубля да ўсіх асноўных валют з-за ўнутраных эканамічных праблем і паскоранае зніжэнне да некаторых валют (у 2022 годзе — да даляра і еўра) з-за ўплыву сітуацыі на расійскім валютным рынку.

Каментары3

  • Acab
    14.05.2024
    Заўсёды і паўсюль, дзе фіятныя «грошы» варта і неабходна пільнавацца дэвальвацыі
  • Acab
    14.05.2024
    Адмоўнае сальда зьнешняга гандлю, якого баяцца як бссраўскія, так і апазыцыйныя эканамісты, дык адмоўны балянс гэта нішто іншае, як інвэстыцыі ў краіну.
    Але такія эканамісты, як маюць стырно кіраваньня нацбанкамі-цэнтрабанкамі з пярэпалаху, сапраўды, абрынаюць курс нацыянальных фіятных недавалютаў. Гэта праўда.
    І апроч таго заўважу: цэнтрабанкі, фіят, цэнзура банкавасьці delenda est
  • Aqaqta
    15.05.2024
    |`\^/\||`√\|`|/|_|\
    /
    \
    /
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны9

«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны

Усе навіны →
Усе навіны

Рыжанкоў прачытаў верш па-беларуску да Дня Перамогі18

Азіяцкі матылёк паеў самшыт на Берасцейшчыне2

Лукашэнка пра парад Перамогі ў Маскве: Гэта самы лепшы, самы моцны парад8

Лукашэнка: Расія даўно гатовая не проста да перамір’я ва Украіне, а да заключэння міру14

У Мінску адмянілі танкавы фестываль ад Lesta на 9 Мая. А абяцалі «мегападзею»5

Італьянскі інжынер прыдумаў, як прыўзняць Венецыю на 30 сантыметраў

Каля Пуціна пасадзілі марпеха, якога вінавацяць у забойствах у Марыупалі4

«Цяжка начамі не спаць». Фермеры паляць вогнішчы, каб уратаваць буякі ад замаразкаў15

Пуцін амаль не казаў пра вайну ва Украіне падчас Параду Перамогі3

больш чытаных навін
больш лайканых навін

«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны9

«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны

Галоўнае
Усе навіны →

Заўвага:

 

 

 

 

Закрыць Паведаміць