Orban praź Biełaruś lacić u Maskvu
Brusiel nie davaŭ premjeru Vienhryi mandat na pieramovy z Pucinym, a vizit adbyvajecca ŭ ramkach dvuchbakovych adnosin Maskvy i Budapiešta.
05.07.2024 / 12:15
Z Budapiešta ŭ Biełaruś zalacieŭ samalot. ŚMI miarkujuć, što na im Orban lacić u Maskvu. Sam Orban napiaredadni nie paćvierdziŭ svoj vizit u Maskvu, pra jaki raniej pisali ŚMI. Ale namiaknuŭ na niejkija «dalikatnyja kroki», jakija mohuć być.
U efiry radyjostancyi Kossuth jaho spytali pra nastupnyja dziejańni paśla sustrečy ź Zialenskim u Kijevie, piša «Palityka krainy».
«Pakolki hetyja kroki majuć vielmi dalikatny charaktar, ab ich možna budzie havaryć tolki paśla taho, jak jany adbuducca», — skazaŭ premjer Vienhryi.
Taksama Orban zajaviŭ, što Budapiešt «chacieŭ by padšturchnuć RF i Ukrainu da zaklučeńnia miru, adnak razumieje, što arhanizacyjaj takich pieramovaŭ buduć zajmacca bujnyja dziaržavy».
Orban prybyŭ u Kijeŭ i paabiacaŭ «pieršyja kroki da miru» ŭžo padčas vizitu
Zialenski patłumačyŭ, čamu nie pahadziŭsia na prapanovu Orbana ab spynieńni ahniu