Piensijanierka naniesła bałončykam nadpis «HUR» na Łobnaje miesca na Krasnaj płoščy ŭ Maskvie
Piensijanierka raśpisała bałončykam Łobnaje miesca na Krasnaj płoščy ŭ Maskvie. Žančyna naniesła na pomnik architektury nadpis «HUR» — abrevijaturu Hałoŭnaha ŭpraŭleńnia raźviedki Minabarony Ukrainy, piša Mash.
05.07.2024 / 17:12
Skrynšot videa: Mash
Piensijanierka była zatrymanaja palicyjaj. Śćviardžajecca, što nanieści nadpis joj daručyli telefonnyja ašukancy. Pry sabie ŭ žančyny znajšli bałončyk z farbaj i telefon, na jaki jana fiksavała, jak malavała.
Niadaŭna za anałahičnym zaniatkam u centry Maskvy zatrymali 57-hadovaha žychara Tulskaj vobłaści. Mužčyna napisaŭ «HUR» na pomniku Žukavu na Maniežnaj płoščy. A pierad hetym ašukancy ŭhavaryli jaho ŭziać niekalki bujnych kredytaŭ.
U Rasii piensijanierka atrymała 10 hadoŭ kałonii za padpał vajenkamata pa zahadzie machlaroŭ