Biełarusy, zdajecca, damahlisia sastupak ad polskaha banka Santander
U supraćstajańni biełarusaŭ i polskaha banka Santander, vidać, nakreśliŭsia zruch. U adnym z biełaruskich čataŭ vykłali aficyjny adkaz banka klijentcy, jakaja paskardziłasia na patrabavańnie da 26 červienia padać DNŽ z reštaj terminu dziejańnia ŭ 12+ miesiacaŭ (a inakš — błakavańnie mabilnaha bankinhu i inšyja niepryjemnaści). U adkazie klijentcy bank pryznaje, što čyrvony štamp pra padaču na DNŽ taksama ŭličvajecca, piša Devby.io.
05.07.2024 / 19:49
Fota: Santander Bank Polska
U adkazie Santander čarhovy raz spasyłajecca na art. 5b Rehłamientu Rady (ES) 833/2014 ad 31 lipienia 2014 «Pra abmiežavalnyja miery ŭ suviazi ź dziejańniami Rasii, što destabilizujuć situacyju va Ukrainie» (tam pra zabaronu na finansavyja apieracyi z rasijskimi jurydyčnymi asobami) i na art. 1u Rehłamientu Rady (ES) 765/2006 ad 18 maja 2006 hoda «Pra abmiežavalnyja miery ŭ suviazi ź situacyjaj u Biełarusi i datyčnaściu Biełarusi da ahresii Rasii suprać Ukrainy» (tam pra zabaronu hramadzianam Respubliki Biełaruś mieć bolš za 100 tysiač jeŭra na rachunku bieź jeŭrapiejskaha DNŽ).
Ale hałoŭnaje — prypiska ŭ kancy. Pradstaŭnik banka dadaje, što ŭ suviazi z doŭhim razhladam zajaŭ nakont DNŽ pry razhladzie zvarotaŭ klijentaŭ jany biaruć pad uvahu zadakumientavanuju padaču na kartu pobytu.
Paćviardžeńniem takoj padačy zvyčajna źjaŭlajecca čyrvony štamp z podpisam inśpiektara — u pašparcie abo na asobnym arkušy.
Polski bank Santander dyskryminuje biełarusaŭ pa ŭłasnaj inicyjatyvie
Aktyvisty skłali pietycyju ŭ polski bank Santander z prośbaj nie dyskryminavać biełarusaŭ
Łatuška źviarnuŭsia ŭ Kamisiju finansavaha nahladu Polščy ŭ suviazi z bankam Santander
Papularny polski bank staŭ błakavać biełarusam dostup da anłajn-akaŭntaŭ. Što zdaryłasia?
Bujny niamiecki bank biez tłumačeńnia pryčyn zakryvaje rachunki biełarusaŭ — navat dziciačyja