Adzin z katalickich śviataroŭ pryjechaŭ na fest u Budsłaŭ va ŭbory z nacyjanalnym arnamientam FOTAFAKT
Na zaviaršeńnie pilihrymki katalickich viernikaŭ z Baranavič u Budsłaŭ adzin sa śviataroŭ adpraŭlaŭ śviatuju Imšu ŭ niezvyčajnym ubory. Jahonyja alba i stoła, u jakich jon vyjšaŭ da ałtara, byli ŭpryhožanyja biełaruskimi nacyjanalnymi ŭzorami, zaŭvažyŭ Katolik.life.
05.07.2024 / 23:04
Bolš za ŭsio ŭvahu źviartaje na siabie śviatočnaja stoła ź jarkaj vyšyvankaj. Hetaja nakidka źjaŭlajecca simvałam kryža, jaki nios Jezus Chrystus, i aśviačalnaj łaski, što ŭpryhožvaje dušu preźbitara.
Miarkujučy pa ŭsim, arnamient na stole byŭ naniesieny pa indyvidualnaj zamovie. U katałohu majsterni Sacris Vestibus, jakaja vyrablaje ŭ Biełarusi liturhičnaje adzieńnie dla katalickich śviataroŭ, mienavita takich pradmietaŭ niama.
Śviatar, jaki pakazaŭ nacyjanalny śviatočny dres-kod, — probašč katalickaj parafii ŭ Pružanach ksiondz Pavieł Jaraševič. U albie z vyšyvankaj jaho bačyli i raniej. Akramia taho, što ksiondz Pavieł — šmatrazovy ŭdzielnik piešych pilihrymak, jon jašče i bajkier.
Budsłaŭ 2024. Što treba viedać, źbirajučysia na fest, jaki adkryvajecca siońnia
Startavali piešyja pilihrymki ŭ Budsłaŭ. Niekatoryja pałomniki projduć 300 kiłamietraŭ
Stała viadoma prahrama sioletniaha Budsłaŭskaha festu