Najstarejšy biełaruski katalicki ijerarch prajechaŭ za rulom bolš za 400 km, kab trapić u Budsłaŭ FOTAFAKT
Kazimiru Vielikasielcu — 79 hadoŭ, jon praciahvaje słužyć i buduje kaścioł.
4 lipienia ŭ Nacyjanalny sanktuaryj Maci Božaj Budsłaŭskaj, prybyŭ pieršy pilihrym-ijerarch — biskup Kazimir Vielikasielec. Jon pryjechaŭ u Budsłaŭ napiaredadni sioletniaha festu, što projdzie tut siońnia i zaŭtra, piša Catholic.by.
79-hadovy ijerarch — najstarejšy ŭ biełaruskim katalickim jepiskapacie — sam prajechaŭ za rulom bolš za 400 kiłamietraŭ z Homiela, dzie ŭ svaim pavažnym uzroście ździajśniaje pastyrskaje słužeńnie i viadzie budaŭnictva kaścioła.
Biskup Kazimir Vielikasielec, daminikanin, viadomy jak čałaviek malitvy. U Budsłavie jon pravioŭ šmat času ŭ kaściole, molačysia ŭ cišyni pierad cudadziejnym abrazom Maci Božaj Budsłaŭskaj.
Śledam za im u Budsłaŭ prybyŭ namieśnik Staršyni Kanfierencyi katalickich biskupaŭ u Biełarusi biskup Viciebski Aleh Butkievič — najmałodšy siarod ardynaryjaŭ miascovaha Kaścioła.
Płanujecca, što ŭ sioletnim feście ŭ Budsłavie voźmuć udzieł usie biełaruskija ijerarchi, a taksama Apostalski nuncyj Ante Jozič, jaki sioleta zaviaršaje svajo amal čatyrochhadovaje słužeńnie ŭ našaj krainie.
Kamientary