Орбан пасля Масквы прыляцеў у Азербайджан
Прэм'ер-міністр Венгрыі ўчора позна вечарам прыбыў з візітам у Азербайджан для ўдзелу ў нефармальным саміце кіраўнікоў дзяржаў Арганізацыі цюркскіх дзяржаў (АЦД), што пройдзе ў Шушы (Нагорны Карабах).
06.07.2024 / 08:24
Фота: Азертадж
У Фізулінскім міжнародным аэрапорце (знаходзіцца на тэрыторыі, якую раней кантралявала армія Нагорнага Карабаха), дзе луналі дзяржаўныя сцягі краін — членаў АЦД, у гонар высокага госця была пашыхтавана ганаровая варта, паведамляе Азертадж.
Віктар Орбан у пачатку тыдня наведаў Кіеў, ён назваў гэты візіт паездкай кіраўніка краіны, якая старшынюе ў ЕС, а ўчора наведаў Маскву, сказаўшы, што ляціць туды з пэўнай місіяй.
Аднак топ-чыноўнікі ЕС назвалі гэты візіт Орбана выключна візітам прэм'ера Венгрыі без якіх-небудзь паўнамоцтваў Еўрасаюза.
Таксама ў Азербайджан прыляцелі прэзідэнты Казахстана, Узбекістана і Кыргызстана.
Орбан і Пуцін правялі сустрэчу ў Маскве
Зяленскі патлумачыў, чаму не пагадзіўся на прапанову Орбана аб спыненні агню
Украіна адхіліла план Венгрыі па спыненні агню
Орбан запосціў ФОТА з Зяленскім
Орбан прыбыў у Кіеў і паабяцаў «першыя крокі да міру» ўжо падчас візіту