Кіеў прыняў да ведама прапанову прэм'ера Венгрыі Віктара Орбана аб спыненні агню дзеля выхаду на мірныя перамовы з Расіяй, аднак не лічыць гэты план жыццяздольным, заявіў намеснік кіраўніка Офіса прэзідэнта Украіны Ігар Жоўква ў эфіры нацыянальнага тэлемарафона.
«Венгрыя — не першая краіна, якая гаворыць пра падобны варыянт. Прэзідэнт Украіны выслухаў свайго суразмоўцу, але ў адказ выклаў сваю пазіцыю, якая з'яўляецца выразнай, зразумелай і вядомай. Украіна сапраўды хоча міру, і ў нас ёсць для гэтага інструмент — мы правялі першы саміт міру і рыхтуемся да другога», — сказаў ён.
Жоўква адзначыў, што калі ў Крамлі перастануць гаварыць на мове ультыматумаў і пакажуць гатоўнасць да канструктыўнага дыялогу, то Расію запросяць на наступны саміт міру. На ім Украіна прадставіць план урэгулявання, узгоднены з краінамі-партнёрамі.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары