U parku Čaluskincaŭ na atrakcyjonie adarvalisia trosy — paciarpieli ludzi, na miescy było šmat chutkich
Nadzvyčajnaje zdareńnie adbyłosia na karusieli ź lebiedziami.
06.07.2024 / 23:44
Skrynšot videa
U parku Čaluskincaŭ u Minsku ŭviečary 6 lipienia adbyłosia nadzvyčajnaje zdareńnie. Na adnym z atrakcyjonaŭ upali kabinki ź ludźmi z-za abryvu trasoŭ.
U administracyi Pieršamajskaha rajona patłumačyli, što złamaŭsia miechanizm uzdymu/apuskańnia kabinak, pišuć «Minsk-Naviny».
«Paciarpieli nie mienš za čatyry čałavieki, uklučajučy dziaciej. Jany dastaŭlenyja ŭ špital chutkaj dapamohi čatyrma ekipažami», — paviedamili ŭ administracyi.
Inšyja dadzienyja ahučyŭ miechanik parku. Try čałavieki paciarpieli, u tym liku dzicia.
«Va ŭsich lohkija ŭdary i drapiny. Kabinki ŭpali z vyšyni 3-4-ch mietraŭ. Adno dzicia vielmi mocna spałochałasia, i jaho zabrała chutkaja. Z-za krykaŭ naviedvalniki pačali masava vyklikać chutkuju dapamohu, tamu było tak šmat mašyn», — zajaviŭ dziažurny miechanik.
Miarkujučy pa videa ad vidavočcaŭ, złamaŭsia dziciačy atrakcyjon ź lebiedziami.