Jaje dastavili ŭ balnicu.
U Lidzie siońnia dniom z atrakcyjona zvaliłasia 11-hadovaja dziaŭčynka, paviedamlaje pres-słužba Śledčaha kamiteta.
Razam z mamaj jana pryjšła ŭ park zabaŭ, jaki pryjechaŭ u horad niekalki tydniaŭ tamu, i zachacieła pakatacca na ekstremalnym atrakcyjonie Hammer. Praź niekalki siekund paśla zapusku abstalavańnia dziaŭčyna zvaliłasia z vyšyni. Jana dastaŭlena ŭ balnicu ŭ ciažkim stanie.
Na miescy avaryi pracuje śledča-apieratyŭnaja hrupa. Abstaviny zdareńnia vyśviatlaje Lidski rajonny adździeł SK.
Daktary Lidskaj centralnaj rajonnaj balnicy robiać usio nieabchodnaje dla stabilizacyi stanu dziaŭčynki. Pra heta paviedamlaje Ministerstva achovy zdaroŭja.
«Dziaŭčynka sa šmatlikimi spałučanymi traŭmami špitalizavanaja ŭ reanimacyjnaje adździaleńnie. Ciapier stan dziciaci stabilna ciažki», — havorycca ŭ paviedamleńni.
«U balnicy pacyjentcy vykanany ŭsie nieabchodnyja abśledavańni: KT hałavy, orhanaŭ hrudnoj kletki, brušnoj połaści i taza, nieabchodnyja łabaratornyja abśledavańni. Praviedzieny kansultacyi vuzkimi śpiecyjalistami.
Pa sanavijacyi z Hrodna vyklikanyja dla akazańnia dadatkovaj dapamohi aniestezijołah-reanimatołah, traŭmatołah i aftalmołah. Dadatkova ź Minska pa sanavijacyi vyklikany dla praviadzieńnia kansultacyj skivična-tvarny chirurh respublikanskaha ŭzroŭniu».
Uviečary stała viadoma, što Lidskim rajonnym adździełam Śledčaha kamiteta pa hetym fakcie ŭzbudžana kryminalnaja sprava pa č.2 art.338 (akazańnie pasłuh, jakija zahadzia nie adpaviadajuć patrabavańniam biaśpieki dla žyćcia abo zdaroŭja spažyŭcoŭ, što paciahnuła pa nieaściarožnaści pryčynieńnie ciažkaha cialesnaha paškodžańnia) Kryminalnaha kodeksa Respubliki Biełaruś.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha16
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary