Жыхар сяла ў Белгарадскай вобласці напісаў на даху дома «БНР», каб уратавацца ад атак дронаў ФОТА
Гэта параілі рабіць УСУ.
08.07.2024 / 00:40
Скрыншот відэа: «Пепел»
Жыхар сяла Безымена Белгарадскай вобласці напісаў на даху свайго дома «БНР», каб засцерагчыся ад нападаў дронаў.
УСУ раней скідалі ў сяле ўлёткі, у якіх прапаноўвалі жыхарам вывешваць на дамах жоўта-сінія палотны або пісаць абрэвіятуру «БНР», што будзе азначаць «байцы Не Размешчаныя», піша «Пепел».
Насамрэч «БНР» — гэта мем, які з'явіўся пасля пачатку поўнамаштабнай вайны. Абрэвіятура расшыфроўваецца як «Белгарадская народная рэспубліка» па аналогіі з непрызнанымі «ДНР» і «ЛНР».
У Безымене раней на адным з дамоў з'явілася і жоўта-сіняе палотнішча. Жыхары сяла сцвярджалі, што гаспадары дома зрабілі гэта наўмысна. Аднак у тых была іншая версія — дах нібыта выпадкова накрылі брызентам колераў украінскага сцяга.
Як паведамляе белгарадскі паблік, у сяле кожны дзень гараць дамы. Пры гэтым рэжым надзвычайнага становішча не ўведзены, а жыхароў забяспечылі вогнетушыцелямі і помпай, каб яны тушылі дамы самастойна.
Расія працягвае бамбіць Белгарад
Расія за год скінула на ўласную Белгарадскую вобласць 38 авіябомбаў