Žychar siała ŭ Biełharadskaj vobłaści napisaŭ na dachu doma «BNR», kab uratavacca ad atak dronaŭ FOTA
Heta paraili rabić USU.
08.07.2024 / 00:40
Skrynšot videa: «Piepieł»
Žychar siała Biezymiena Biełharadskaj vobłaści napisaŭ na dachu svajho doma «BNR», kab zaścierahčysia ad napadaŭ dronaŭ.
USU raniej skidali ŭ siale ŭlotki, u jakich prapanoŭvali žycharam vyviešvać na damach žoŭta-sinija pałotny abo pisać abrevijaturu «BNR», što budzie aznačać «bajcy Nie Raźmieščanyja», piša «Piepieł».
Nasamreč «BNR» — heta miem, jaki źjaviŭsia paśla pačatku poŭnamaštabnaj vajny. Abrevijatura rasšyfroŭvajecca jak «Biełharadskaja narodnaja respublika» pa anałohii ź niepryznanymi «DNR» i «ŁNR».
U Biezymienie raniej na adnym z damoŭ źjaviłasia i žoŭta-siniaje pałotnišča. Žychary siała śćviardžali, što haspadary doma zrabili heta naŭmysna. Adnak u tych była inšaja viersija — dach nibyta vypadkova nakryli bryzientam koleraŭ ukrainskaha ściaha.
Jak paviedamlaje biełharadski pablik, u siale kožny dzień harać damy. Pry hetym režym nadzvyčajnaha stanovišča nie ŭviedzieny, a žycharoŭ zabiaśpiečyli vohnietušycielami i pompaj, kab jany tušyli damy samastojna.
Rasija praciahvaje bambić Biełharad
Rasija za hod skinuła na ŭłasnuju Biełharadskuju vobłaść 38 avijabombaŭ