Eks-futbalist zbornaj pra syna Anatola Kapskaha: Na žal, u kłubie ŭsio pafihačyli
«I jon, napeŭna, padumaŭ, što heta ŭsio tak lohka, nie treba ni chrana rabić — čyk-čyk i stolki hrošaj».
09.07.2024 / 09:37
Andrej Kapski. Fota: news.myseldon.com
Eks-abaronca BATE i zbornaj Biełarusi Alaksiej Ryas u intervju prajektu «Na bancy» rezka vykazaŭsia pra ciapierašniaha kiraŭnika barysaŭskaha kłuba Andreja Kapskaha.
- U Kapskaha-małodšaha jość šaniec stać tałkovym funkcyjanieram?
— Tolki kali na kampjutary, dumaju. Na žal, usio ŭžo pafihačana. Toje, što jon pierš za ŭsio zrabiŭ rebrendynh. Jon, napeŭna, dumaŭ, što heta niejak dapamoža, ale, na žal, tut pa-inšamu treba. Majo mierkavańnie: BATE zaŭsiody byŭ siamjoj. Samyja hałoŭnyja ludzi byli, jak Alaksiej Baha (spačatku futbalist, potym hałoŭny trenier kłuba) kazaŭ, — heta piersanał. U nas było šmat ludziej, jakija pa 20 hadoŭ pracavali. I kali ich pačali prybirać… U Vasila Stanisłavaviča Viskušenki (adzin z zahadčykaŭ haspadarki kłuba — NN) zarobak byŭ 600 rubloŭ. Jamu kažuć: «Davaj 300?». I kali jany sychodziać, to ty razumieješ, što samyja hałoŭnyja ludzi sychodziać.
I z hulcami pačynałasia… Ciapier uspaminaju frazu [Andreja Kapskaha]: «Nie razumieju, za što tata takija vialikija hrošy płaciŭ». Mahčyma, paŭpłyvała toje, što kali pamior jaho baćka, my vyjšli ŭ hrupu Lihi Jeŭropy. Kłub dobra zarabiŭ — prykładna 15 miljonaŭ jeŭra.I jon, napeŭna, padumaŭ, što heta ŭsio tak lohka, nie treba ni chrana rabić — čyk-čyk i stolki hrošaj.
Mišu Hardziejčuka nie zachavaŭ: «Chočaš — sychodź, nie chočaš — nie sychodź». Kola Sihnievič syšoŭ, Palačok [Dzianis Palakoŭ]… Pačaŭ raskidvacca takimi ludźmi-adzinkavym tavaram. Hardziajčuk pry svajoj nie lepšaj hulni moh zaŭsiody zabić.
Adkazvajučy na pytańnie, dumaju, naŭrad ci. Za košt čaho — nie ŭjaŭlaju. Jašče ŭ 2020 hodzie, kali skład byŭ mocny, možna było. Ale tady taksama nikudy nie vyjšli.
Z kožnym hodam usio mienš hrošaj, u jaho niama aŭtarytetu, niama padtrymki. Jon usich ad siabie adsunuŭ. Raniej [Alaksandr] Zacharčanka pamočnik byŭ. Ale ŭsich ad siabie prybraŭ. U mianie składvajecca adčuvańnie, što jon nibyta dumaŭ, što jaho niechta choča padsiedzieć.
Ja b na jaho miescy adyšoŭ ad spraŭ. Byŭ by, moža, u struktury kłuba, ale addaŭ by jaho bolš daśviedčanamu kiraŭniku.
U jaho nie atrymałasia pry niejkich finansach, ciapier, zdajecca, heta naohuł nierealna».
***
Doŭhačasovy kiraŭnik BATE Anatol Kapski pamior u vieraśni 2018 hoda, i kłub uznačaliŭ jahony syn Andrej Kapski. BATE ŭ siezonie-2018 jašče vyjhraŭ čempijanat krainy, a taksama paśpiachova vystupiŭ u Lizie Jeŭropy, prabiŭšysia ŭ 1/16 finału, ale zatym ni razu nie staŭ čempijonam i ni razu nie prabiŭsia ŭ hrupavuju stadyju jeŭrakubkaŭ.
A ŭ 2023 hodzie ŭpieršyniu z 2005 hoda zastaŭsia bieź miedaloŭ čempijanatu, zaniaŭšy piataje miesca, i nie trapiŭ navat u kvalifikacyju jeŭrakubkaŭ.
Zaraz paśla pieršaha kruha pieršynstva kłub zajmaje 10-y radok u turnirnaj tablicy.
U BATE — najhoršyja vyniki za historyju. Top-5 pryčyn pravału
Siaredzina tablicy i daŭhi. Jak žyvie niekali zorny BATE