Кавалеўскі назваў двух чалавек, якія сышлі ўслед за ім
Былы дыпламат Валер Кавалеўскі нядаўна абвесціў, што пакідае Аб'яднаны пераходны кабінет. Аказалася, што не ён адзін.
09.07.2024 / 15:47
Пра гэта былы дыпламат расказаў у эфіры «Еўрарадыё».
Валер Кавалеўскі і Кірыл Данько. Фота: твітар Кавалеўскага
Разам з Кавалеўскім сышлі двое чалавек, якія дапамагалі яму ў прадстаўніцтве па замежных справах пры Кабінеце і каго ён набіраў у каманду. Гэта Кірыл Данько (быў прэс-сакратаром Кавалеўскага) і Антон Пянькоўскі (у 2014-2021 гадах працаваў у аддзеле публічнай дыпламатыі пасольства ЗША ў Беларусі).
Цяпер Кавалеўскі стварае Агенцыю еўраатлантычнага супрацоўніцтва. Двое яго калег будуць працаваць там жа.
У агенцыі Кавалеўскі працягне займацца знешнімі адносінамі — спрыяць таму, каб Беларусь успрымалася як незалежная дзяржава і атрымлівала падтрымку ад палітычных саюзнікаў.
Намеснік Ціханоўскай Валер Кавалеўскі пакінуў пасаду
Валерый Кавалеўскі патлумачыў, чаму пакінуў Кабінет Ціханоўскай