У Мінску створаць парк на зямлі, вывезенай з будаўніцтва метро
У Маскоўскім раёне Мінска на вуліцы Громава ў гэтым годзе пачнуць рабіць новую зону адпачынку. Для гэтага выкарыстоўваюць грунт, выняты пры будаўніцтве новай лініі метро, паведаміла «Мінск-Навінам» кіраўніца раённай адміністрацыі Таццяна Калядка.
10.07.2024 / 19:06
Грунт вывезуць на пляцоўку ў межах вул. Громава — Ясеніна — Слабадскі праезд — вул. Слабадская пасля таго, як пачнецца запуск тунэлепраходнага комплексу «Алеся».
Калі яр, які там ёсць цяпер, выраўняюць, у гэтым месцы пачнуць будаваць сквер са скейт– і варкаўтпляцоўкай і вела— ды танцавальнай вулічнай зонай. Зімой жа там плануюць уладкаваць лыжную трасу.
Праект будаўніцтва ўжо ўзгоднены, ягоная экспертыза завяршаецца. Хутка пачнецца ўзвядзенне інжынерных камунікацый, а потым плошчу будуць засыпаць зямлёй.
У выніку, як плануецца, будзе створаны незвычайны рэльеф у выглядзе насыпных пагоркаў. Дарэчы, таму і ўвесь парк будзе называцца «Муравіцкія пагоркі».
Назва ўзнікла ад таго, што, як сцвярджае Таццяна Калядка, калісьці ў гэтым раёне быў лес, дзе працаваў ляснічы Муравіцкі, «пра добрыя справы якога складалі легенды».
Некаторыя атракцыёны ў сталічных парках часова прыпыняюць працу
Будаўнікі паказалі школу ў Лебядзіным. Як яна выглядае
У Мінску адкрыўся абноўлены парк імя Уга Чавеса
Якую экасцежку ў Беларусі абраць для падарожжа выхаднога дня?