«Faktar Śvift». Amierykanskaja hramadskaść čakaje zajavy Tejłar Śvift nakont Bajdena
Paśla taho, jak halivudskija zorki — takija jak Džordž Kłuni i Majkł Duhłas — zaklikali Džo Bajdena źniać svaju kandydaturu z prezidenckich vybaraŭ, usia ŭvaha ŭ ZŠA prykavana da śpiavački Tejłar Śvift. Jana pakul što praciahvaje zachoŭvać maŭčańnie, piša Bild.
12.07.2024 / 14:16
Tejłar Śvift padčas kancertu ŭ Paryžy. Fota: Lewis Joly / AP
Jašče da debataŭ, jakija stali pravalnymi dla Džo Bajdena, usie ŭvažliva sačyli za tym, ci prakamientuje Śvift vybarčuju kampaniju kandydata ad demakrataŭ.
Ličycca, što Tejłar Śvift maje palityčnuju vahu dziakujučy vialikaj aŭdytoryi svaich prychilnikaŭ — napiaredadni prezidenckich vybaraŭ 2024 hoda kažuć navat ab «faktary Śvift». Adnak pakul što jana nie zajaviła ab padtrymcy Bajdena ci Trampa.
Čatyry hady tamu Tejłar Śvift akazałasia ŭ łahiery Bajdena — tady jana ličyła, što pad jaho kiraŭnictvam u ZŠA jość šaniec «pačać praces acaleńnia, u jakim kraina tak adčajna maje patrebu».
Śvift naraŭnie z telezorkaj Opra Uinfry zastajecca najbolš zhadvanaj znakamitaściu ŭ Złučanych Štatach.
Niekatoryja demakraty navat ličać, što Śvift, čyj kancertny tur Eras pabiŭ usie rekordy, pavinna sama vyłučyć svaju kandydaturu na nastupnych prezidenckich vybarach.
Bajden nazvaŭ siabie najbolš kvalifikavanym supiernikam Trampa, jon nie źbirajecca pakidać honku
Bajden nazvaŭ prezidentam Ukrainy Pucina
Bajden nazvaŭ vice-prezidenta Charys Trampam. Toj rezka adreahavaŭ
Bank Anhlii adkładzie panižeńnie klučavoj staŭki z-za kancertaŭ Tejłar Śvift
Kanfierencyju «Novaja Biełaruś» pieranosiać z Varšavy ŭ Vilniu. Pryčyna vas ździvić
Prychilniki Tejłar Śvift skałanuli Ziamlu na jaje kancercie ŭ Šatłandyi. U litaralnym sensie