Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA
Mer Paryža An Idalho abiacaje heta zrabić 17 lipienia, kab dakazać, što vada ŭ Sienie čystaja i biaśpiečnaja.
13.07.2024 / 13:07
Skrynšot videa
Ministarka sportu Francyi Amieli Udea-Kastera zrabiła heta siońnia mienš čym za dva tydni da pačatku Alimpijskich hulniaŭ 2024 hoda ŭ Paryžy, paviedamlaje Le Parisien.
Jaje supravadžaŭ Aleksis Chankinkvant — ściahanosiec Paralimpijskich hulniaŭ.
«U čornym kambiniezonie i ŭ kupalnaj šapačcy ministarka sportu maleńkimi krokami nakiravałasia da Sieny, paśliznułasia na brukavancy, što viała ŭ vadu, ale prapłyła niekalki mietraŭ», — paviedamlaje vydańnie.
«Ja vielmi kranutaja. Dumka, jakaja ruchaje mnoj, — heta ŭsia praca, praviedzienaja dziaržaŭnymi słužbami za apošnija čatyry hady. My tady skazali, što budziem hatovyja, i my hatovyja. Heta sapraŭdy vydatna — skazać sabie, što ŭsie francuzy i žychary ŭsiaho śvietu zmohuć atrymlivać asałodu ad budučaj Alimpijady», — skazała jana.
Alimpijada ŭ Paryžy startuje praź piatnicu, 26 lipienia. U joj voźmie ŭdzieł usiaho dva dziasiatki biełaruskich spartoŭcaŭ — mizer za ŭvieś čas (u Tokia brali ŭdzieł 106 biełarusaŭ).
Usie troje susiedziaŭ Biełarusi družna prajhrali baskietbolnuju alimpijskuju kvalifikacyju
Aryna Sabalenka aficyjna adchiliła zaprašeńnie MAK na Alimpijadu-2024 u Paryžy