Zamach na Donalda Trampa: u jaho stralali ŭ čas vystupu ŭ Piensilvanii
Palityka evakujavali ź miesca padziej.
14.07.2024 / 01:27
Tak Tramp vyhladaŭ, kali jaho vyvodzili ź miesca zamachu
Paśla taho, jak padčas vystupleńnia Trampa ŭ horadzie Batler prahučali streły, palityk schapiŭsia za vucha i pierapyniŭ vystup. Zatym jon pavaliŭsia pad trybunu, a potym achova atačyła i padniała jaho.
Ciapier na miescy pracuje palicyja.
Pierš čym jaho vyvieli ź miesca zamachu, Tramp enierhična pavitaŭ svaich prychilnikaŭ. Na jaho vuchu curčyć kroŭ, adnak, miarkujučy pa enierhičnym vitańni kułakom, ranieńnie nie ciažkaje.
Poŭnaja viersija zamachu na Trampa:
Prezident ZŠA Džo Bajden, jaki pravodzić vychadnyja ŭ štacie Dełaver, vychodziačy z carkoŭnaj słužby, adkazaŭ na pytańnie žurnalistaŭ, što jamu pakul nie dakładvali pra hetaje zdareńnie.
Tramp, pavodle paviedamleńnia The New Times, prachodzić miedahlad u balnicy i śćviardžaje, što jon «u paradku».
«Prezident Tramp dziakuje pravaachoŭnym orhanam i ekstrannym słužbam za ich chutkija dziejańni padčas hetaj ahidnaj padziei. Jon u paradku i ciapier prachodzić abśledavańnie ŭ miascovaj miedycynskaj ustanovie. Bolš padrabiaznaja infarmacyja źjavicca paźniej», — havorycca ŭ zajavie pres-sakratara Donalda Trampa Styviena Čunha.
Infarmacyi pra mahčymaha strałka pakul niama. Sakretnaja słužba ciapier zajmajecca pošukam taho, chto stralaŭ, i vyśviatlaje akaličnaści.
Bajden nazvaŭ siabie najbolš kvalifikavanym supiernikam Trampa, jon nie źbirajecca pakidać honku
Tramp znoŭ prapanavaŭ Bajdenu pravieści debaty ŭ najbližejšyja dni
Tramp rychtujecca da supiernictva z Kamałaj Charys za pasadu prezidenta ZŠA