U mašynie chłopca, što stralaŭ u Trampa, znajšli vybuchoŭku
Što jašče viadoma pra strałka na mitynhu Trampa?
14.07.2024 / 19:07
Tomas Mećju Kruks. Skrynšot videa
Ułady vyjavili vybuchovyja pryłady ŭ mašynie 20-hadovaha Tomasa Mećju Kruksa, jakaja była pryparkavanaja niedaloka ad mitynhu Trampa. Pra heta piša The Wall Street Journal sa spasyłkaj na krynicy, znajomyja z chodam rasśledavańnia.
Stralanina adbyłasia 14 lipienia padčas vystupu Trampa pierad prychilnikami. Były prezident ZŠA, jaki znoŭ vyłučajecca na pasadu kiraŭnika krainy, byŭ lohka paranieny ŭ vucha. Dva čałavieki, uklučajučy strałka, zabityja, dvoje ŭdzielnikaŭ mitynhu ciažka paranienyja.
Padazravany Kruks žyŭ u Bietel-Parku, štat Piensilvanija, pryharadzie Pitsburha, prykładna ŭ hadzinie jazdy ad miesca, dzie prachodziŭ mitynh.
Pra jaho pakul viadoma niašmat, i matyŭ napadu nie jasny. U rehistracyjnaj kartcy vybarščyka paznačana, što jon kaliści byŭ zarehistravany jak respublikaniec. Pientahon zajaviŭ, što Kruks nie słužyŭ u vojsku.
Śledčym spačatku było ciažka ŭstanavić jahonuju asobu, zbolšaha praz toje, što ŭ jaho nie było pry sabie nijakich dakumentaŭ. Jany vykarystoŭvali DNK, fatahrafii i inšuju infarmacyju, kab paćvierdzić jaho asobu.
Pa słovach pradstaŭnikoŭ pravaachoŭnych orhanaŭ, na miescy zdareńnia była vyjaŭlenaja vintoŭka AR-typu. Pa słovach ludziej, znajomych z chodam rasśledavańnia, zbroja była nabyta baćkam Kruksa.
Byłaja adnakłaśnica Kruksa skazała, što toj nie vykazvaŭ u škole nijakich vyraznych palityčnych pohladaŭ.
Chłopiec, što stralaŭ u Trampa, byŭ respublikancam
Iłan Mask zajaviŭ pra poŭnuju padtrymku Trampa
Donald Tramp zrabiŭ zajavu paśla ataki na jaho
Bajden skazaŭ, što molicca za Trampa, i zaklikaŭ abjadnacca ŭsiu nacyju